Mary Spiteri
Марй Спитери (1947-йил 25-октябрда туғилган) — Малтанинг Наххар шаҳридан бўлган хонанда ҳамда телебошловчи. У турли миллий ва халқаро мусиқа фестивалларида иштирок этган ва Малта номидан „Эуровисион қўшиқ танлови“да қатнашиб, учинчи ўринни эгаллагани билан танилган. Шунингдек, у ўз мамлакатидаги Ишчи партиясини қўллаб-қувватлаши билан ҳам машҳур.
Марй Спитери | |
|---|---|
.jpg) Спитери Биркиркара Статион Гардендаги чиқиши вақтида. | |
| Умумий маълумот | |
| Таваллуди |
1947-йил 25-октябр Наххар, Малта |
| Жанрлар | Поп |
Карераси
Спитери Малта номидан Малмö шаҳрида ўтказилган „Эуровисион–1992“ танловида „Литтле Чилд“ қўшиғи билан иштирок этган[1]. У танлов якунида Ирландия ва Буюк Британия вакилларидан кейин учинчи ўринни эгаллаган. Бироқ бу унинг „Эуровисион“ билан боғлиқ илк уриниши бўлмаган. Спитери 1971-йилда Малта саралаш босқичида „Мин Инт?“ қўшиғи билан қатнашган. Шунингдек, 1975-йилда у Малта финалида „Ливе Фор Томорроw“ ҳамда „Трй а Литтле Лове Тодай“ қўшиқларини ижро этиб, яна бир бор танловга йўлланма олишга ҳаракат қилган, аммо уринишлари муваффақияциз якунланган[2].
„Эуровисион–1992“ танловидаги муваффақиятли иштирокидан сўнг Спитери танлов мухлислари орасида машҳурликка эришган. Ўша йилнинг ўзида Эуровисион Нетwорк томонидан Cовентрй шаҳрида ўтказилган анжуманда у махсус мукофот билан тақдирланган.
Спитерининг „Эуровисион“ саҳнасига қайтиш борасидаги кейинги уринишлари ҳам муваффақиятли якунланмаган. У 1995-йилда Малта миллий саралашида „Жуст Оне Лове“ қўшиғи билан иштирок этган, бироқ совриндорлар қаторидан жой ололмаган. 1997-йилда эса „Ловерс Плай wитҳ Wордс“ қўшиғи билан қатнашиб, учинчи ўринни эгаллаган.
2006-йил сентябр ойида Спитери 2007-йилги „Малта Сонг фор Эуропе Фестивал“ танловида қатнашиш ниятида эканини маълум қилган ва бир нечта қўшиқларни саралаш учун топширган. Бироқ тақдим этилган асарларнинг ҳеч бири танлов дастурига киритилмаган.
2014-йилда Спитерининг „Эуровисион“ тарихидаги энг узоқ давом этган ноталардан бирини ижро этгани эълон қилинган. У „Эуровисион–1992“да „Литтле Чилд“ қўшиғини куйлаш чоғида бир нотани 13 сония давомида ушлаб турган ва бу натижа танлов тарихидаги рекорд кўрсаткич сифатида қайд этилган[3].
Манбалар
- ↑ Барcлай, Симон. Эуровисион Сонг Cонтест – Тҳе Cомплете & Индепендент Гуиде. Силвертҳорн Пресс, 2008 — 94-бет. ИСБН 978-1-4457-8415-1.
- ↑ „Ливе фор Томорроw – ёутубе cлип“. Ёутубе. 2021-йил 18-декабрда асл нусхадан архивланган.
- ↑ Видео ЁуТубеда