Mavlono Anisiy

Мавлоно Анисий (15-аср) – форс-тожик тилида ижод қилган шоир, Алишер Навоийнинг замондоши. Номи “Мажолис ун-нафоис”нинг иккинчи мажлисида тилга олинади. Навоий унинг истеъдодсиз шоир экани, бошқаларнинг шеърини ўз номидан эълон қилиш одати борлиги ҳақида маълумот беради. “Мажолис ун-нафоис”да Мавлоно Анисий ўзиники, деб даъво қилган бир байт келтирилган:

Гарчи межўяд дилам доим висоли ёрро,

Ёр межўяд ба рағми ман дили ағёрро.

(Мазмуни: Менинг дилим гарчи ҳар доим ёр васлини изласа-да,

лек ёр менга терс қараб, ағёр дилини излайди).

Мавлоно Анисий Ҳиротда вафот этган.