Mavlono Nosiruddin

Мавлоно Носируддин (15 аср) – самар­қандлик шоир, Аҳмад Ҳожибек мулозимларидан. Унинг номи “Мажолис ун-нафоис”­нинг олтинчи мажлисида тилга олинади. Алишер Навоий унинг донишманд ва тақводор отасидан фарқли равишда сипоҳийликка ҳавас­манд эканлигини, белига овчилик ашё­ларини боғлаб, рангин отларни минишга майли борлигини айтади. “Мажолис ун-нафоис”­да унга нисбат берилган қуйидаги байт келтирилган:

Тубучоқ абраше агарам зери зин бувад,

Мулки жаҳон маро ҳама зери нигин бувад.

(Мазмуни: Агар остимда эгарланган от бўлганда эди,

жаҳон мулклари қўл остимда бўларди).