Mavlono Tarxoniy

Мавлоно Тархоний (15-аср) – форс-тожик ва туркий тилларда ижод қилган хуросонлик шоир. Номи “Мажолис ун-нафоис”нинг иккинчи мажлисида тилга олинади. Алишер Навоий унинг Андхунддан эканлиги, сипоҳийлик билан шуғулланганлиги ҳақида маълумот бериб, Абдураҳмон Жомийнинг “дигар” радифли ғазалига жавобан ёзган шеъридан қуйидаги байтни келтиради:

Мурғи дил пар кандаму аз сина бирён сохтам,

То кашам пеши сагат ҳар лаҳза парканде дигар.

(Мазмуни: Итинг олди (ялоғи)га ҳар дамда алоҳида парча (озуқа) ташлаб турмоқ учун кўнгил қушининг патини юлиб, кўксини қовурдим).

Шунингдек, “Мажолис ун-нафоис”да Мавлоно Тархонийнинг баъзи хизматчилар Самарқандда банди қилинганда ёзган туркий тилдаги шеъридан матлаъ келтирил­ган:

Тушгали банд ичра бўлдум ул пари девонаси, Кўк саро фонусдур ул шамъу мен парвонаси.