Mehmed Fatih Çıtlak
Mehmed Fatih Çıtlak (1967-yilda Istanbulda tugʻilgan) – islomshunos olim, bastakor va yozuvchi. U oʻrta taʼlimni Istanbuldagi Fotih imom-xatib oʻrta maktabida tamomlagan[1][2].
Mehmed Fatih Çıtlak | |
|---|---|
| Shaxsiy maʼlumotlar | |
| Tavalludi | 1966 (yoshi 59–60) |
| Dini | Islom |
| Millati | turk |
| Mazhab | sunniy |
| Yurisprudensiya | Hanafiya |
| Imom | Moturidiy |
| Asosiy qiziqish(lar)i | Tasavvuf |
| Alma mater | Marmara universiteti |
Marmara universitetining turkologiya fakultetida tahsil olayotganida, arab tili va islomiy fanlarni oʻrgangan. U Islom va tasavvuf haqida koʻplab kitoblar yozgan. Çıtlak maʼrifiy tarbiyasini dars va suhbat majlislarida qatnashgan ustozlardan olgan. U Turkiya Madaniyat vazirligiga qarashli Istanbul tarixiy turk musiqa ansamblining darveshlari boshligʻi hisoblanadi[1][2].
Çıtlak koʻp yillar davomida xususiy radio stansiyalarida tasavvuf va islom tarixi boʻyicha dasturlar olib borgan. U koʻplab ichki va xorijiy, audio va video mahsulotlarda musiqa direktori, sanʼat maslahatchisi va matn muallifi sifatida faoliyat yuritgan. U radio va televidenie dasturlarini davom ettirmoqda. Mehmed Fatih Çıtlak maxsus suhbat majlislarida islom sivilizatsiyasining muhim asarlaridan foydalangan holda tafsir, siyrat va irfon mavzularida maʼruzalar qilgan. U, shuningdek, irfon mavzusida koʻplab konferensiya, simpozium va panellarda maʼruzachi sifatida qatnashadi[1][2].
Ayniqsa, Pendik munitsipaliteti tomonidan tashkil etilgan Yunus Emre madaniyat markazidagi „Masnaviy“ suhbatlari Turkiya Respublikasi tarixida mahalliy hokimiyatlar tomonidan oʻtkazilgan eng koʻp ishtirokchiga ega va eng uzoq davom etgan madaniy tadbir boʻlgan. Mehmet Fatih Çıtlak Sumbul Efendida joylashgan Istanbul fan, sanʼat, taʼlim va madaniyat uyushmasida usmonli turk tili va xattotlik darslarida qatnashgan. U oʻzi asos solgan „Keshkul“ jurnalida, shuningdek, koʻplab akademik tadqiqotlarga qoʻshgan hissalaridan tashqari, maqolalar yozadi[1][2].
Manbalar
- ↑ 1,0 1,1 1,2 1,3 1,4 „M. Fatih Çıtlak Kitapları ve Tüm Eserleri | idefix“. www.idefix.com. 2022-yil 28-sentyabrda asl nusxadan arxivlangan. Qaraldi: 2022-yil 28-sentyabr.
- ↑ 2,0 2,1 2,2 2,3 2,4 „Fatih Çıtlak kimdir? Fatih Çıtlak nereli kaç yaşında? - Yeni Akit“ (tr). www.yeniakit.com.tr. Qaraldi: 2022-yil 28-sentyabr.