Mentalitet

Менталитет (лотинча: менталис — аклий) — айрим киши ёки ижтимоий гуруҳга хос ақлий қобилият даражаси, маънавий салоҳият. Жамият, миллат ёки шахснинг Менталитети уларнинг ўзига хос тарихий анъаналари, урф-одатлари, диний эътиқодини ҳам қамраб олади. Ҳар бир миллатнинг Менталитети унинг тарихи, яшаб турган шарт-шароити, ижтимоий фаоллиги ва бошқа бир қанча омиллар билан боғланган бўлади. Масалан, ўзбек миллати Менталитетининг шаклланиш жараёни деярли уч ярим минг йиллик тарихга эга. Ўзбек халқи инсоният моддий ва маънавий маданиятини бебаҳо дурдоналар билан бойитган. Унинг Менталитети, ақлий қобилияти ўткирлашиб борган. Аммо ХВИ—ХХ асрлар оралиғида турли истибдод ва мустамлакачилик зулмини бошидан кечирганлиги туфайли миллий Менталитетига жиддий путур етди. Мустақиллик мафкураси олдида ўзбек халқининг ҳақиқий Менталитетини тиклаш вазифаси турибди.