Mete Gazoz
Мете Газоз (1999-йил 8-июн куни Туркиянинг Истанбул вилоятида туғилган ) туркиялик олимпия чемпиони, камончи[1]. Истанбул камончи ёшлар спорт клуби спортчиси. Мете Газоз Т окио 2020 Олимпиадаси[сайт ишламайди] ва 2023-йилги жаҳон камондан отиш чемпионатида олтин медалларни қўлга киритиб, Туркиянинг камондан отиш бўйича тарихидаги илк олимпия ва жаҳон чемпиони бўлди[2].
| Мете Газоз | |
|---|---|
.jpg) | |
| Шахсий маълумотлари | |
| Таваллуд санаси |
1999-йил 8-июн Истанбул, Туркия |
| Бўйи | 1.82 см |
| Вазни | 63 кг |
| Спорт | |
| Мамлакат | Туркия |
| Қайси спорт | Камончилик |
| Клуби | İстанбул Окçулук ГСК |
| Медаллар | |
|
11 та олтин 11 та кумуш 13 та бронза | |
Ҳаёти
Мете Газоз 1999-йил 8-июн куни Туркиянинг Истанбулда вилоятида туғилган. Унинг отаси собиқ миллий камончи Метин Газоз, онаси эса Истанбул камондан отиш клуби президенти Мерал Газоз бўлган. Мете Газоз камондан отиш билан 2010-йилда шуғуллана бошлаган[3]. У шунингдек сузиш, баскетбол, расм чизиш ва пианино ўйнашга қизиқади. Бошланғич ва ўрта таълимни Ихлас коллежида тамомлаган.
Унинг камондан отиш бўйича биринчи халқаро муваффақияти 2013-йилда Хитойнинг Уси шаҳрида ўтказилган камондан отиш бўйича ёшлар ўртасидаги жаҳон чемпионатида ўсмирлар тоифасида кумуш медални қўлга киритиши бўлди[4].
2016-йил Ноттингемда ўтказилган камондан отиш бўйича Европа чемпионатида кумуш медални қўлга киритди[5]. У 17 ёшида 2016-йилги Ёзги Олимпия ўйинларида қатнашган ва Турк жамоасидаги энг ёш спортчи бўлган[6]. Аргентинада бўлиб ўтган 2017-йили ўсмирлар ўртасида ўтказилган камондан отиш бўйича жаҳон чемпионатида у Ясемин Эcем Анагöз билан биргаликда аралаш жамоавий классик камон йўналиши бўйича дунёда 3-ўринни эгаллади. 2018-йилда Испаниянинг Таррагона шаҳрида бўлиб о'тган Ўрта ер денгизи ўйинларида олтин медални қўлга киритди.
2018-йилда Берлинда бўлиб ўтган жаҳон чемпионатининг 4-ўйинида 4 та олтин медални қўлга киритди. У Бутун жаҳон камондан отиш федерацияси (WА) томонидан ташкил этилган овоз беришда 2018-йилнинг энг яхши спортчиси деб топилди.
У Руминия пойтахти Бухарест шаҳрида бўлиб ўтган Европа Гран-приси-2019[сайт ишламайди] мусобақасининг саралаш босқичида эркаклар ўртасида классик камон баҳсларида қатнашган ва саралаш босқичларида 698 очко билан биринчи ўринни эгаллаган. Бу кўрсаткич билан у ўсмирлар жаҳон ва катталар Европа рекорди соҳибига айланди[7].
Мете Газоз Токио-2020 Олимпиадасининг классик камондан отиш бўйича финалида италиялик Мауро Несполини 6:4 ҳисобида мағлуб этиб, олтин медални қўлга киритди. Мете Газоз 29-июл пайшанба куни Юменошима Арчерй Фиэлдда биринчи давра баҳсида люксембурглик Жефф Ҳенкелсни, иккинчи давра баҳсида австралиялик Раян Тякни мағлуб этиб, сўнгги 16-раундга йўл олди. У сўнгги 16-раундда австралиялик Тейлор Уортдан ўтиб, чорак финалга йўл олди. Бу турда у жаҳон рейтингида 1-ўринда бораётган америкалик Бреди Эллисонни мусобақадан чиқариб юборди ва ярим финалга йўл олди. Ярим финалда япониялик Такаҳару Фурукавани мағлуб этиб финалчи бўлган Мете Газоз, олтин медал учун италиялик Мауро Несполи билан беллашди. Финалда Мете италиялик Мауро Несполи билан тўқнаш келди ва баҳсда 6:4 ҳисобида ғалаба қозонди ва Олимпиада чемпионига айланди[8].
АҚШда бўлиб ўтган 2021-йилги камондан отиш бўйича жаҳон чемпионатида Мете Газоз ва Ясемин Эcем Анагöзлардан тузилган Классик камон аралаш миллий терма жамоаси Японияни 6:2 ҳисобида мағлуб этиб, бронза медалига сазовор бўлди[9].
Германиянинг Мюнхен шаҳрида ўтказилган камондан отиш бўйича 2022-йилги Европа чемпионатида Мете Газоз учинчи ўрин учун ўтказилган баҳсда испаниялик Даниэл Кастрони 6:4 ҳисобида мағлуб этиб, эркаклар ўртасидаги классик камонда яккалик тоифасида бронза медалини қўлга киритди[10].
2023-йилги Қаҳраманмараş зилзиласида у 2020-йилги Токио Олимпиадаси[сайт ишламайди] да қўллаган ўқни кимошди савдосида сотди, тўплаган даромад зилзиладан зарар кўрган болаларнинг таълим олишига сарфланди[11].
Германиянинг Берлин шаҳрида бўлиб ўтган 2023-йилда камондан отиш бўйича жаҳон чемпионатида эркаклар ўртасида классик камондан отиш бўйича финал баҳсида канадалик Эрик Петерсни 6:4 ҳисобида мағлуб этиб олтин медални қўлга киритди[12].
Манбалар
 | Бу мақола бирорта туркумга қўшилмаган. Илтимос, мақолага алоқадор туркумлар қўшиб ёрдам қилинг. (Апрел 2024) |
- ↑ „Арşивленмиş копя“. 1-август 2021-йилда асл нусхадан архивланган. Қаралди: 1-август 2021-йил.
- ↑ „Мете Газоз“. Wорлд Арчерй. 28-июн 2021-йилда асл нусхадан архивланган. Қаралди: 14-сентабр 2023-йил.
- ↑ „Мете Газоз“ (Инглиз). Wорлд Арчерй. 28-июн 2021-йилда асл нусхадан архивланган. Қаралди: 31-июн 2021-йил.
- ↑ „Мете Газоз“. Фотомаc.cом.тр. 31-июн 2021-йилда асл нусхадан архивланган. Қаралди: 31-июн 2021-йил.
- ↑ „Мете Газоз Аврупа икинcиси!“. НТВСпор.нет. 31-май 2016-йилда асл нусхадан архивланган. Қаралди: 9-август 2016-йил.
- ↑ „ТУРКCЕЛЛ, ТÜРКİЕ ОЛİМПİЙАТ КАФİЛЕСİНİН АНА СПОНСОРУ ОЛДУ“. Миллиет. 6-август 2016-йилда асл нусхадан архивланган. Қаралди: 14-сентабр 2023-йил.
- ↑ „Мете Газоз'дан 2 рекор бирден“. www.трцпор.cом.тр. 31-июн 2021-йилда асл нусхадан архивланган. Қаралди: 31-июн 2021-йил.
- ↑ „Арşивленмиş копя“. 31-июн 2021-йилда асл нусхадан архивланган. Қаралди: 3-август 2021-йил.
- ↑ Гüрсел, Доğан „Ясемин ве Мете'ден Дüня Şампиёнасıнда Бронз Мадаля“. 24-сентябр 2021-йилда асл нусхадан архивланган. Қаралди: 14-сентабр 2023-йил.
- ↑ „Гüлназ Бüşранур Çоşкун Аврупа şампиёну; Мете Газоз Аврупа 3.сü“. 12-июл 2022-йилда асл нусхадан архивланган. Қаралди: 14-сентабр 2023-йил.
- ↑ „Арşивленмиş копя“. 16-феврал 2023-йилда асл нусхадан архивланган. Қаралди: 14-сентабр 2023-йил.
- ↑ „Мете Газоз дüня şампиёну олду!“. 6-август 2023-йилда асл нусхадан архивланган. Қаралди: 6-август 2023-йил.