Mexanotron

Механотрон (лот. меҳанирос - механик ва электрон) — механик катталикларни электр катталикларга айлантириб берадиган электр вакуум асбоб; унда электрон ёки ион токи кучини бошқариш учун электродларини бевосита силжитиш усулидан фойдаланилади. Бир ёки бир неча қўзғалувчан электрод (мас, анод) ни қўзғалмас катодга нисбатан силжитилса, электродлар орасида электр майдон қиймати ва шакли, яъни анод токи кучи ўзгаради. М.нинг 2 (диод), 3 (триод) ёки 4 (тетрод) электродли хиллари бор. М. сезгирлиги (ток бўйича диодли М.ларда 7 а/см гача, кучланиш бўйича триодли М.ларда 25 кВ/см гача), оддийлиги, енгиллиги ва ихчамлиги билан бошқа датчиклардан устун туради.