Mikroseysmalar

Микросейсмалар (микро... ва сеисмос — тебраниш, зилзила) — атмосфера босимининг ўзгариши ва бошқа сабаблар туфайли Ер сиртининг синусоида шаклда жуда кичик ўзгарувчан амплитуда билан тебраниши. М. табиий ва сунъий, даврий ва даврий бўлмаган тебранишлардан иборат. Табиий М.га денгиз, океан, даре сувларининг чайқалиши, атмосфера босимининг ўзгариши, кучли шамол, дўл, сел, тошқин ва бошқа сабаб булиши мумкин. Сунъийларига транспорт қатновлари, пор-тлашлар, турли саноат иншоотларининг таъсири ва бошқа киради. М. денгиз ва океан қирғоқларида, йирик шаҳар ва индустриал иншоотлар яқинида кучли бўлади. Океан сиклонининг қуруқликка ўтишида М. янада зўраяди. Улар сейсмик ст-ялар ишига салбий таъсир этади ва уларнинг сезгирлик даражасини камайтиради. М. нинг тебраниш даври бир неча сек. дан 10 сек.гача, амплитудаси 1—5, айрим вақтларда 100 микронгача етиши мумкин.