Milya Felzenshteyn

Миля Лазаревич Фелзенштейн (русча: Миля Лазаревич Фельзенштейн; 1923-йил 18-август — 2006-йил 14-октябр) — совет офицери, Иккинчи жаҳон уруши қатнашчиси, Совет Иттифоқи Қаҳрамони (17.11.1943).

Миля Фелзенштейн
Асл исми	русча: Миля Лазаревич Фельзенштейн
Таваллуди	18-август 1923-йил Харков, УССР
Вафоти	14-октябр 2006-йил(2006-10-14) (83 ёшда) Лод, Исроил
Фуқаролиги	СССР
Хизматдаги йиллари	1942-1945-йиллар
Унвони
Жанг/уруш	Иккинчи жаҳон уруши
Мукофотлари	||

Ҳаёти

1924-йилда Харковда ишчилар оиласида туғилган. Ўрта мактабни тугатган. Урушнинг бошида Самарқандга эвакуация қилиниб, 1942-йилда Қизил Армия сафига чақирилган. Тошкент пулемётчилар мактабини тамомлаган.

1943-йилниниг баҳорида, кичик лейтенант унвони билан фронтга юборилган ва Кубанда тузилган 1339-пиёдалар полкига (318-пиёдалар дивизияси) пулемёт взводи қўмондони этиб тайинланган. 1943-йил ёзда Краснодарни озод қилиш учун бўлган жангларда илк бор жангда қатнашади. 1943-йилнинг кузида Керчнинг жанубида Элтиген қишлоғи яқинида Қрим ярим оролидаги плацдармни эгаллаш операциясида жонбозлик кўрсатади.

1-ноябрга ўтар кечаси бўлинмалари, эни 35 километр бўлган Керч бўғозини кечиб ўтиши керак эди. Тунда ва кучли бўрон шароитида, душман артиллерияси ва миномётлари олови остида, Фелсенштейннинг взводи жойлашган кема соҳилга сузиб ўта олмайди. Қўмондон бошчилигида жангчилар сувга сакрашади. Улар қирғоққа сузиб бориб, душман окопларига гранаталар отиб, ёриб киради ва фашистларни чекинишга мажбур қилиади. Душманнинг 12 та қарши ҳужумларни қайтарган Фелзенштейннинг пулемётчилар взводи, баталённинг бошқа бўлинмалари билан бирга, тунда, эгалланган плацдармга мустаҳкам жойлашиб олади. Жангда, взвод қўмондони жасорат ва қатъият билан ҳаракат қилади, шахсан ўзи намуна кўрсатиб жангчиларни илҳомлантиради. У 50 дан ортиқ фашистларни йўқ қилади. Жиддий жароҳат олганлиги сабаб госпиталга юборилади.

Икки ой дала госпиталида даволаниб, сўнгра Сочига ўтказилади ва у ерда бир қатор мураккаб операцияларни ўтказади. Бир ой таътил олиб, Самарқанддаги қариндошлари олдига боради ва таътилдан сўнг ўз бўлинмасига қайтади. Рота қўмондони этиб тайинланади.

СССР Олий Кенгаши Президиумининг 1943-йил 17-ноябрдаги фармони билан „Фронтда немис-фашист босқинчиларига қарши курашда қўмондонликнинг жанговар топшириқларини намунали бажарганлиги, кўрсатган жасорати ва қаҳрамонлиги учун“, Миля Фелзенштейн Совет Иттифоқи Қаҳрамони унвони билан тақдирланган.

1944-йилнинг баҳорида Қримни озод қилиш жанглари бошланади. Севастопол яқинидаги жангда чап оёғидан яраланади ва Кисловодскдаги шифохоналардан бирига олиб борилади. Деярли бир йил давомида шифокорлар офицернинг ҳаёти ва оёқларини сақлаб қолиш учун курашадилар. 1945-йил март ойида Самарқанддаги касалхонанинг ҳарбий-тиббий комиссияси Фелсенштейнни ногиронлик бўйича заҳирага бўшатади.

1974-йил декабр ойида Фелсенштейн ва унинг оиласи Исроилга кўчиб кетади. Лодда (Исроил) яшаган, фабрикада ишлаган. 2006-йил 14-октябрида вафот этган.