Mir Imod Mashhadiy

Мир Имод Машҳадий (15-аср) – форс-тожик тилида ижод қилган машҳадлик шоир. “Мусавий” тахаллуси билан ижод қилган. Номи “Мажолис ун-нафоис”нинг иккинчи мажлисида тилга олинади. Алишер Навоий унинг донишманд, хушхулқ ва хуштабъ киши эканлиги, муаммо илмида моҳирлиги, Машҳад шоирлари унинг ҳузурида йиғилиб, айтган ҳар бир сўзига итоат қилиш­лари ҳақида маълумот беради.

“Мажолис ун-нафоис”да унинг Камол Хўжандийга жавобан ёзган қуйидаги байти келтирилган:

Гуфт: Бо чашмат бигў, то жуз хаёли рўйи мо,

Сурати дигар наёрад дар назар, гуфтам: “Ба чашм”.

(Мазмуни: Кўзингга айт, бизнинг юзимиз хаёлидан бошқа ҳеч бир суратни назарига келтирмасин, деди. Мен “кўзим устига” (яъни, жоним билан), дедим).