Mirzamahmud Musaxonov
| Мирзамаҳмуд Мирзараҳмонович Мусахонов | |
|---|---|
|
Мансаб даври 1970-йил январ – 1985-йил 22-январ | |
| Аввалгиси | Малик Абдуразоқович Абдуразоқов |
| Кейингиси | Тимур Агзамович Алимов |
|
Мансаб даври 1961-йил 30-май – 1963-йил 22-март | |
| Аввалгиси | Расул Ғуломович Ғуломов |
| Кейингиси | Обид Содиқов |
|
Мансаб даври 1951-йил – 1953-йил | |
| Шахсий маълумотлари | |
| Таваллуди |
9 (22)-октябр 1912-йил Тошкент, Сирдарё вилояти, Туркистон генерал-губернаторлиги, Россия империяси |
| Вафоти |
5-январ 1995-йил Тошкент, Ўзбекистон |
| Дафн қилинган жойи |
Тошкент Тошкент |
| Сиёсий партияси | ВКП/КПСС (Совет Иттифоқи Коммунистик партияси) (1943-йилдан) |
| Таълим | Москва тўқимачилик институти (1937-йил) |
| Мукофотлари |
1991-йил 16-июлда барча мукофотлардан маҳрум этилган |
Мирзамаҳмуд Мирзараҳмонович Мусахонов (1912—1995-йилларда яшаб ўтган) — ўзбек ва совет давлат ва партия арбоби. 1952-йилдан КПСС (Совет Иттифоқи Коммунистик партияси) аъзоси ҳисобланган. 1961—1976-йилларда КПСС Марказий Қўмитаси аъзолигига номзод ва 1976—1986-йилларда КПСС Марказий Қўмитаси аъзоси, СССР Олий Совети Иттифоқ Кенгашининг 7- ва 11-чақириқларида (1966—1989-йилларда) Тошкент вилояти депутати[1] этиб сайланган.
Биографияси
Мирзамаҳмуд Мирзараҳмонович Мусахонов 1912-йилнинг 9 (22) — октабрида Тошкентда (бошқа маълумотларга кўра Фарғонада[2]) туғилган. Отаси Мирзараҳмон Мусахонов (Фарғонада туғилган) биринчи инқилобчилардан бўлиб, 1923—1924-йилларда Туркистон ССР Ички ишлар халқ комиссари бўлган.
Мусахонов 1937-йилда Москва тўқимачилик институтини тамомлаб, Ўзбекистон ССР тўқимачилик саноати корхоналарида ишлай бошлаган. Фаолияти давомида Фарғона тўқимачилик комбинатида навбатчи уста вазифасидан тортиб, корхона директоригача бўлган йўлни босиб ўтган[2]. 1943-йилдан бошлаб эса ВКП/КПСС (Совет Иттифоқи Коммунистик партияси) аъзосига айланган.
1948—1951-йилларда Мирзамаҳмуд Мирзараҳмонович, Ўзбекистон ССР Озиқ-овқат ва Енгил саноат вазирининг биринчи ўринбосари. 1951—1953-йилларда мазкур вазирликнинг Вазири, 1953—1955-йилларда Ўзбекистон ССР Вазирлар Совети Девони ходими. 1955—1956-йилларда Ўзбекистон Компартияси Тошкент вилоят қўмитаси котиби. 1956—1957-йилларда Ўзбекистон ССР Давлат план қўмитаси раиси. 1957—1958-йилларда Ўзбекистон ССР Вазирлар Совети Раисининг ўринбосари. 1958-йилда қайта Ўзбекистон Компартияси Тошкент вилоят қўмитаси котиби.
1958—1959-йилларда Ўзбекистон Республикаси Касаба уюшмалари кенгаши раиси. 1959—1961-йилларда Бутуниттифоқ Касаба уюшмалари марказий кенгаши котиби лавозимларида фаолият олиб борган.
Шунингдек, Мусахонов 1961-йил 30-майдан 1963-йил 22-мартгача - Ўзбекистон ССР Олий Совети Раиси бўлган. 1962-1965 йилларда Ўзбекистон Компартияси Марказий Қўмитаси ва Ўзбекистон ССР Вазирлар Советининг Партия-давлат назорати қўмитаси раиси ва бир вақтнинг ўзида Ўзбекистон ССР Вазирлар Совети Раисининг ўринбосари лавозимларида ишлаган. 1965-йилнинг декабр ойидан 1970-йилнинг январ ойигача — Ўзбекистон ССР Вазирлар Совети Раисининг биринчи ўринбосари вазифасида меҳнат қилган.
Мусахонов шу билан бирга, 1970-йил январ ойидан 1985-йил 22-январгача — Ўзбекистон Компартияси Тошкент вилоят қўмитасининг биринчи котиби бўлиб ҳам ишлаган.
СССР Олий Совети Президиумининг 1976-йил 25-декабрдаги Фармони билан Мирзамаҳмуд Мирзараҳмонович Бутуниттифоқ социалистик мусобақасида эришилган юксак муваффақиятлар, пахта, ғалла ва бошқа қишлоқ хўжалиги маҳсулотларини етиштириш ва сотишни кўпайтириш бўйича режалар ва социалистик мажбуриятларни бажаришда кўрсатан меҳнати ва жасорати сабаб Ленин ордени ва „Ўроқ ва болға“ олтин медали ҳамда „Социалистик Меҳнат Қаҳрамони“ унвони билан тақдирланган.
Мусахонов 1985-йилнинг январ ойида нафақага чиққан.
У,,пахта иши" деб номланган ишда иштирок этган деган айблов билан 1987-йил 20-сентабрда Гдлян-Иванов гуруҳи томонидан ҳибсга олинган. Унга Тожикистон ССР Олий суди томонидан 1990-йилнинг 2-февралида олти йиллик қамоқ жазоси ҳукми берилган ва худди шу суд томонидан 1992-йил 24-апрелда 4-18-92-сонли қарор билан айбдорлик далиллари йўқлиги сабаб судланганлиги ноқонуний деб топилиб, ҳукм суд иши якулланган. Шундан сўнг Мусахонов озодликка чиққан. Аммо СССР Президентининг 1991-йил 16-июлдаги фармони билан унинг барча давлат мукофотлари, жумладан, „Социалистик Меҳнат Қаҳрамони“ унвони бекор қилинган. Ушбу фармон ҳали ҳам амалда.
Мирзамаҳмуд Мирзараҳмонович Тошкентда истиқомат қилган. У 1995-йил 5-январда вафот этган ва Тошкент шаҳрида дафн этилган.
Манбалар
- ↑ „Список депутатов Верховного Совета СССР 11 созыва“. 2011-йил 26-сентябрда асл нусхадан архивланган. Қаралди: 16-май 2013-йил.
- ↑ 2,0 2,1 {{{заглавие}}}.
Ҳаволалар
- Мирзамахмуд Мирзарахманович Мусаханов (рус.). Сайт „Герои страни“.
- Биография в Справочнике по истории Коммунистической партии и Совецкого Союза
- Биография на сайте „ЦентрАзия“ (Wайбаcк Мачине сайтида 2016-03-04 санасида архивланган)
- [www.аз-либр.ру/индех.штмл?Персонс&CЛҲ/9735652а/индех Биография на сайте „АзЛибр“]
- Тoshkentda tugʻilganlar
- 5-yanvarda vafot etganlar
- 1995-yilda vafot etganlar
- Тoshkentda vafot etganlar
- 1912-yilda tugʻilganlar
- 22-oktyabrda tugʻilganlar
- Toshkentda dafn etilganlar
- “Vladimir Ilich Lenin tavalludining 100 yilligi munosabati bilan” medali sohiblari
- Ulugʻ Vatan urushidagi gʻalabaning 20 yilligi medali sohiblari
- Ulugʻ Vatan urushidagi gʻalabaning 30 yilligi medali sohiblari
- Ulugʻ Vatan urushidagi gʻalabaning 40 yilligi medali sohiblari
- Oʻzbekiston Kompartiyasi Toshkent viloyat qoʻmitasining birinchi kotiblari
- Oʻzbekiston SSR Oliy Kengashining raislari
- Oʻzbekiston SSR xalq komissarlari va vazirlari
- Sovet Ittifoqining Oʻzbekiston SSRdan saylangan deputatlari
- Oʻzbekistonda paxta ishi
- Oʻzbekiston SSR Oliy Kengashining 4-chaqiriq deputatlari
- Oʻzbekiston SSR Oliy Kengashining 5-chaqiriq deputatlari
- Oʻzbekiston SSR Oliy Sovetining 6-chaqiriq deputatlari
- Oʻzbekiston SSR Oliy Sovetining 7-chaqiriq deputatlari
- KPSS XXIV syezdi delegatlari
- KPSS XXV syezdi delegatlari
- KPSS XXVI syezdi delegatlari
- Alifbo boʻyicha siyosatchilar
