Mirzayan Kamilov
 | Бу мақолада манбалар <реф></реф> тегларига олинмаган ёки умуман кўрсатилмаган. |
 | Бу мақоланинг бетарафлиги шубҳа остидадир. Батафсилроқ маълумот учун мақола мунозарасига қаранг. |
| Мирзаян Мирзаахмедович Камилов | |
|---|---|
 | |
| Таваллуди |
1936-йил 17-октябр Тошкент, Ўзбекистон ССР |
| Фуқаролиги |
 Ўзбекистон |
| Таълими | Н.Э Бауман номидаги Москва олий техника билим юрти |
| Илмий унвони | Академик |
Ўзбекистон Республикаси Фанлар академияси академиги Мирзаян Мирзаахмедович Камилов – таниқли олим ва фан арбоби ҳамда талантли ташкилотчи. У ўзининг 56 йиллик ижодий-ишлаб чиқариш фаолияти давомида информатиканинг назарий асослари, тизимли таҳлил, бошқарув, ахборотни қайта ишлаш, автоматлаштириш ва технологик жараёнларни бошқариш, математик моделлаштириш, ҳисоблаш машиналарининг математик ва дастурий таъминоти каби соҳаларни ривожлантиришга ҳамда мамлакатимизда информатика фанини алоҳида фан мақомига олиб чиқишга салмоқли хисса қўшиб келаётган етакчи олимдир.
Мирзаян Мирзаахмедович Камилов 1936 йилнинг 17 октябрида Тошкент шаҳрида зиёли оиласида дунёга келди. У ўзининг профессионал фаолиятини 1960 йилда Н. Э. Бауман номидаги Москва Олий техника билим юртининг „Ҳисоблаш машиналари“ мутахассислиги бўйича имтиёзли диплом билан битирганидан сўнг йўлланма орқали ЎзР ФА Романовский номидаги математика илмий тадқиқот институтининг „Ҳисоблаш техникаси“ бўлимида катта мухандис лавозимидан бошлади.
Мирзаян Мирзаахмедович 1967 йилда номзодлик ва 1974 йилда „Баҳоларни ҳисоблашга асосланган ечим қабул қилиш алгоритмларини қўллаш усуллари ва назариясини ишлаб чиқиш“ мавзусида Россия Фанлар академиясини Москва шаҳридаги Ҳисоблаш марказининг ихтисослаштирилган кенгашида докторлик диссертациясини муваффақиятли ҳимоя қилди. 1977 йилда профессор илмий унвонига эга бўлди. 1989 йилда Ўзбекистон Республикаси Фанлар академиясининг мухбир аъзоси, 1994 йилдан эса информатика ихтисослиги бўйича хақиқий аъзоси бўлиб сайланди.
Мирзаян Мирзаахмедович кўп қирралари ижодкор сифатида замонавий информацион технологияларни ишлаб чиқишдаги долзарб ҳамда амалий масалаларини ечишдаги муҳим назарий ва амалий жиҳатларини аниқлаш, натижалар ишончлигини таъминлаш ҳамда амалиётда қўллаш учун яроқли шаклгача олиб бориши билан ажралиб туради. Моделлаштиришда бундай ёндашув жараён ҳолатини таҳлил қилиш ва мақбул қарорлар қабул қилиш, турли даражадаги тизимларни бошқаришни маромига етказиш, ишлаш фаолиятини дастурлаш ва ташҳислашда сезиларли даражада кенгайтириш имкониятларини беради. Мирзаян Мирзаахмедовичнинг „Қисмий прецедентликка асосланган информацион-таниб олиш тизимларининг назарияси ва уларни маълумотларнинг интеллектуал таҳлили учун тадбиқ қилиш усуллари“ мавзусидаги тимсолларни аниқлаш назарияси бўйича олиб борган фундаментал тадқиқотлари таҳсинга сазовордир. Унинг ғоялари идроклашнинг табиийлиги билан боғланганки, бу қарор қабул қилишнинг замонавий усуллари асосида тасодифий ахборотларни олдиндан баҳолаш имкониятини яратиб беради. Ушбу назарий ишлар кимёвий технология, тимсолларни аниқлаш ва бошқа кўпгина жараёнларга қўлланилиб, самарали натижалар олинган.
Илмий фаолият
М. М. Камиловнинг илмий ва амалий тадқиқотлари асосида 6 та монография ва 350 дан ортиқ илмий мақолалар нашр қилинди.
Унинг раҳбарлигида 17 та докторлик ва 35 дан ортиқ номзодлик диссертациялари ҳимоя қилинди.
Бундан ташқари М. М. Камилов „Кадрлар тайёрлаш миллий дастури“ни амалга оширишда ҳам ўзининг улкан ҳиссасини қўшиб келмоқда. У Тошкент давлат техника университетида ўзи ташкил қилган (ҳозирда Тошкент ахборот технологиялари университети „Ахборот технологияларининг дастурий таъминоти“) кафедрасида узоқ йиллар раҳбарлик қилди ва талабаларга амалларни тадқиқи, маълумотларни интеллектуал таҳлил қилиш каби фанлардан ўқув машғулотлари олиб бормоқда.
Академик М. М. Камилов Ўзбекистон Республикаси Фанлар академиясида вице президенти, Тизимли тадқиқотлар институти директори лавозимларида узоқ йиллар самарали фаолият олиб борган ҳолда мамлакатимизда информатика фанининг ривожланишига катта ҳисса қўшиб келмоқда.
Ҳозирги кунда М. М. Камилов Тошкент ахборот технологиялари университети ҳузуридаги Дастурий маҳсулотлар ва аппарат-дастурий мажмуалар яратиш марказида „Тимсолларни аниқлаш“ лабораторияси мудири, Марказ илмий ва махсус кенгашларининг аъзоси, Ўзбекистон Республикаси Фанлар академияси ҳамда Ўзбекистон Республикаси Ахборот технологиялари ва кооммуникацияларини ривожлантириш Вазирлиги тассаруфидаги „Информатика ва энергетика муаммолари“ Ўзбекистон журнали ва „Кимёвий технология. Назорат ва бошқарув“ Халқаро илмий-техникавий журналларининг таҳририяти аъзоси, Тошкент ахборот технологиялари университетида „Ахборот технологияларини дастурий таъминоти“кафедраси профессори бўлиб, университет илмий, маънавий ҳаётида фаол қатнашиб келмоқда.