Mixail Dovidov
Михаил Довидович Довидов [1913.12(25).5, Андижон - 1981.16.6, Тошкент] — опера хонандаси (лирик тенор), актёр ва педагог. Ўзбекистон халқ артисти (1978). Москвадаги Ўзбек опера студиясини тугатган (1939). 1933-йилдан Ўзбек давлат мусиқали театрида артист, 1939-йилдан Навоий номидаги опера ва балет театри яккахони. Майин ва ширали овоз соҳиби Д.нинг ижро услуби европа ва миллий хонандалик анъаналарининг мутаносиблиги билан ажралиб туради. Ўзбек операларидан Назирий (С. Бобоев, "Ҳамза"), Олимжон (Т. Содиқов, Д. Зокиров ва б., "Зайнаб ва Омон") ва айниқса Ҳидоят (С. Юдаков, "Майсаранинг иши"), шунингдек, Ленский (П. Чайковский, "Евгений Онегин"), Шуйский (М. Мусоргский, "Борис Годунов"), Алмавива (Ж. Россини, "Севиля сартароши") каби партияларни маҳорат билан ижро этган. Консерт репертуаридан ўзбек, тожик, татар ва озарбайжон халқ кўшиқлари ўрин олган. 1966-йилдан Тошкент театр ва рассомлик санъати институтида дарс берган.
Адабиёт
- ЎзМЕ. Биринчи жилд. Тошкент, 2000-йил
| Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |