Mixail Gayvoronskiy
Михаил Орест Гайворонский (Михаило Орест Гайворонский) (украинча: Михайло Орест Гайворонський) (1892-йил 15-сентябр – 1949-йил 11-сентябр) – украиналик бастакор, мусиқачи, дирижёр, ўқитувчи, скрипкачи ва танқидчи.
Михаил Гайворонский | |
|---|---|
 Михаил Гайворонский портрети | |
| Умумий маълумот | |
| Таваллуди |
Михаил Гайворонский 1892-йил 15-сентябр |
| Вафоти |
1949-йил 11-сентябр Ню Ёрк, АҚСҲ |
| Касби |
Бастакор Скрипкачи Дирижор Ўқитувчи |
Биографияси
Украинада
Михаил Гайворонский 1892-йил 15-сентябрда Подолск вилоятидаги Залишики шаҳрида туғилган. 1912-йилда Залишики семинариясини тугатгандан сўнг, Лвовдаги Николай Лисенко номидаги мусиқа институтига ўқишга кирган. Биринчи жаҳон уруши бошида Гайворонский Галич миллий мустақиллик ҳаракатида қатнашган. Кўплаб оркестрларнинг ташкилотчиси, дирижёри ва назоратчиси бўлган. 1920-йилларнинг бошларида Михаил мусиқий ҳаётда фаол иштирок этган. Лвовдаги Николай Лисенко номидаги мусиқа институтида дарс берган, қизлар гимназиясида мусиқа ўқитувчиси бўлган ва бирлашган баянчи ва бандуристлар хорига дирижёрлик қилган.
Америка Қўшма Штатларида
1923-йилда М. Гайворонский АҚШга Ню Ёрк шаҳрига кўчиб ўтган. Бу ерда 1924-йилда мусиқа консерваториясига асос солган ва Колумбия университетида маъруза қилган. Кейинчалик 1936-йилгача ўзи бошқарган Украина чолғу оркестрини ташкил қилган. Гайворонский, шунингдек, етти черков хори қўшиқчилари билан қўшма хор ташкил қилиб, унга дирижёрлик қилган. Улар билан 1932-йилдан 1936-йилгача ўз асарларидан катта концертлар берган. 1930-йилларнинг иккинчи ярмидан бошлаб, бастакор мусиқа ёзиш ва Америкадаги украиналик ёшларни қўллаб-қувватлашга кўпроқ эътибор қаратган. Гайворонский 1949-йил 11-сентабрда Ню-Ёркда вафот этган ва шу ерда дафн этилган.
Ҳаволалар
- Писни.оргдаги маълумот (украинча)
- Ёшлар кутубхонаси (Wайбаcк Мачине сайтида 2012-02-09 санасида архивланган) Гайворонский ҳақидаги мақола (украинча)
- Стрилецкий қўшиғига мисол Гайворонскийнинг сўзлари ва мусиқаси (украинча)
Адабиётлар
Wйтwйcкй W. Майкл О. Ҳайворонскй – Лифе анд wорк НЙ, 1954