Mixail Mixutkin
Михаил Андреевич Михуткин (1923-йил 25-сентябр, Раҳмановка – 1968-йил 20-декабр, Тошкент, Ўзбекистон ССР[1]) – Қизил Армия катта сержанти, Улуғ Ватан уруши қатнашчиси, Совет Иттифоқи Қаҳрамони (1945).
| Михаил Андреевич Михуткин | |
|---|---|
| Таваллуди |
25-сентябр 1923-йил Раҳмановка, СССР |
| Вафоти |
20-декабр 1968-йил (45 ёшда) Тошкент, СССР |
| Фуқаролиги |
 СССР |
| Унвони | катта сержант |
| Жанг/уруш | Иккинчи жаҳон уруши |
| Мукофотлари |
  |
Ҳаёти
1923-йил 26-сентябрда Рахмановка қишлоғида (ҳозирги Саратов вилоятининг Пугачевский тумани) туғилган. Мактабнинг еттинчи синфини тамомлаб, Чирчиқ шаҳрида монтажчи бўлиб ишлади. 1941-йилда Михуткин Ишчи-Деҳқон Қизил Армияси сафига чақирилди. 1942-йилдан Улуғ Ватан уруши фронтларида жанг қилди[2].
1944-йил сентябр ойида катта сержант Михаил Михуткин 1-Болтиқ денгизи 43-армияси 306-ўқчи дивизиясининг 935-ўқчи полкида разведкачи бўлган. Латвия ССР ҳудудидаги жангларда қатнашган. 1944-йил 19-сентябрда Михуткин Рига тумани Балдоне қишлоғи яқинида немис танкларининг қарши ҳужумини қайтаришда иштирок этди ва душманнинг иккита танкини йўқ қилди[2].
СССР Олий Кенгаши Президиумининг 1945-йил 24-мартдаги фармони билан „Немис босқинчиларига қарши кураш фронтида қўмондонликнинг жанговар топшириқларини намунали бажарганлиги ҳамда кўрсатган жасорати ва қаҳрамонлиги учун“ катта сержант Михаил Михуткин Ленин ордени, 9291-сонли Олтин Юлдиз медали ва Совет Иттифоқи Қаҳрамони унвони билан тақдирланган[2].
Уруш тугагандан сўнг, Михуткин ногиронлиги сабабли демобилизация қилинди. Умрининг охирида Тошкентда яшаган[3]. У 1968-йил 20-декабрда тўсатдан вафот этди ва Тошкентдаги Боткин қабристонига дафн қилинди.
Шунингдек, у 3-даражали Қизил Юлдуз ва Шон-шараф ордени ва бир қатор медаллар билан тақдирланган[2].
Хотира
Россия Ҳарбий-тарихий жамияти томонидан Михуткин хотирасига атаб ёдгорлик лавҳаси у ўқиган Раҳманов номидаги ўрта мактаб биносига ўрнатилган.
Адабиётлар
- Герои Советского Союза — узбекистанцы. — Ташкент, 1984.
- Джураев Т. Д. Верные сыны Родины. — Ташкент, 1964.
- Казакова А. С. Ими гордится Родина. — Ташкент, 1961.
Манбалар
- ↑ „Михуткин Михаил Андреевич“. www.памят-народа.ру. Қаралди: 9-ноябр 2023-йил.
- ↑ 2,0 2,1 2,2 2,3 „Михаил Михуткин“ (ру). Герои страны.
- ↑ „МИХУТКИН МИХАИЛ АНДРЕЕВИЧ (Герой Советского...)“. www.ташкентпамят.ру. 2023-йил 9-ноябрда асл нусхадан архивланган. Қаралди: 9-ноябр 2023-йил.