Mixalis Dorizas
Михáлис Дóризас (16-апрел 1886 — 21-октябр 1957) — 1906-, 1908- ва 1912-йилги ёзги олимпия ўйинларида иштирок этган грециялик енгил атлетикачи[1]. 1908-йилда найза улоқтириш бўйича кумуш медал ва 1906-йилда босқон улоқтириш бўйича бронза медалини қўлга киритган. 1906-йилда Афинада навбатдан ташқари олимпиада ташкил этилган. Бу олимпиадага Халқаро олимпия қўмитаси масъул бўлмаган. Диск улоқтиришда унинг энг яхши натижаси 1908-йилда Англия пойтахти Лондон шаҳрида ўтказилган олимпия ўйинларида (бешинчи ўрин) қайд этилган. Ядро улоқтиришда эса 1912-йилда Швециянинг Стокголм шаҳрида ўтказилган олимпия ўринларида 11-ўринни эгаллаган. Мазкур олимпиаданинг диск улоқтириш баҳсларини 13-ўринда якунлаган. 1908-йилги олимпиаданинг найза улоқтириш мусобақасида олтин медални қўлга киритишга муваффақ бўлган[2].
| Михалис Доризас | |
|---|---|
 Михалис Доризас 1908-йилда | |
| Шахсий маълумотлари | |
| Таваллуд санаси |
16 Април 1886 Истанбул, Туркия |
| Вафот санаси |
1957-йил 21-октябр (71 ёшда) Филаделфия, АҚШ |
| Бўйи | 1.77 м |
| Вазни | 106 кг |
| Спорт | |
| Қайси спорт | Енгил атлетика |
Доризас Константинополда туғилган. Роберт коллежини битирган. 1913-йилда Пенсилвания университетига ўқишга кирган. 1914—1916-йилларда АҚШда коллежлараро чемпионатда ғалаба қозонган. Шунингдек, икки йил давомида Америка футболида ҳам фаолият олиб борган. Бу даврда енгил атлетикадаги фаолиятини ҳам давом эттирган. Биринчи жаҳон уруши пайтида АҚШ армиясида сержант сифатида хизмат қилган. Баъзи манбаларда эса бошқа тилларни билганлиги учун АҚШ армиясида таржимонлик қилганлиги ҳақида ҳам маълумотлар келтирилган Урушдан кейин 1919-йилда Париж тинчлик конференсиясида юнон, турк ва инглиз тилларида таржимон сифатида ишлаган.
1915-йилда фалсафа фанидан магистрлик унвонини қўлга киритган ва география бўйича докторлик унвонини олиш учун тадқиқотни бошлаган. 1943-йилда Фриарс Сениор Соcиэтй уни „йил давомида университетга энг катта хизмат кўрсатган факултет аъзоси“ сифатида эътироф этган. У 1957-йил (вафотига қадар) Пеннда ўқитувчилик фаолиятини давом эттирган.
Манбалар
- ↑ „Мичалис Доризас“. Олймпедиа. 2021-йил 6-февралда асл нусхадан архивланган. Қаралди: 2021-йил 14-март.
- ↑ „Тҳе “Биг Греэк” Мичалис Доризас ин Университй оф Пеннсйлваниа’с Алумни Магазине“ (эн) (2021-йил 5-октябр). Қаралди: 2024-йил 27-май.