Moʻminjon Azimov

Зиёсферада исми Мўминжон ва фамилияси Азимов бўлган бошқа кишилар ҳақида ҳам мақолалар мавжуд.

Мўминжон Азимов — совет иқтисодчиси, давлат ва сиёсат арбоби.

Мўминжон Азимов
Ўзбекистон Компартиясининг Фарғона вилоят қўмитаси биринчи котиби-
Мансаб даври 1938-йил феврал – 1938-йил июн
Кейингиси	Емсов Сергей Константинович
Шахсий маълумотлари
Таваллуди	1904-йил Эски Марғилон
Вафоти	1948-йил Тошкент, Ўзбекистон ССР, СССР
Сиёсий партияси	КПСС
Мукофотлари

Биографияси

Азимов Мўминжон 1904-йил Эски Марғилон шаҳрида дунёга келган. 1925-йилдан КПСС аъзоси ҳисобланган.

1929-йилдан бошлаб Азимов мамлакатдаги сиёсий, иқтисодий ва ижтимоий соҳаларда фаолият олиб борган. Жумладан, 1929—1948-йилларда Мўминжон Азимов Тошкентдаги кинофабрикада монтажчи, механика устахоналарида болғачи, Тожикистон ССРнинг Қўрғонтепа вилоят касаба уюшмалари кенгаши раиси, Самарқанд шаҳридаги жамғарма кассаси бўлими бошлиғи лавозимларида ишлаган. Шунингдек, Мўминжон Ўзбекистон Компартиясининг Марказий назорат комиссияси Тошкент шаҳар котиби, Ўзбекистон Компартиясининг Когон округ қўмитаси 1-котиби бўлган. Ҳамда Совет Иттифоқи Коммунистик партиясининг олий назорат органи томонидан унга тегишли ваколат берилган. Қолаверса, Азимов Ўзбекистон Компартияси Наманган шаҳар қўмитасининг 1-котиби, Ўзбекистон Компартиясининг Фарғона вилояти бўйича ташкилий бюроси 1-котиби, Ўзбекистон ССР Халқ Комиссарлари Совети раисининг ўринбосари, Ўзбекистон ССР озиқ-овқат саноати халқ комиссари, Ўзбекистон Компартияси Тошкент туман округ қўмитасининг 1-котиби, Ўзбекистон ССРда Ўрмон хўжалиги вазири вазифаларида ҳам хизмат қилган.

Ўзбекистон ССР Олий Советининг 1- ва 2-чақириқлари депутати этиб сайланган.

1948-йилда Тошкентда вафот этган.

Ҳаволалар

• Филиппов С. Г. 1934—1939-йилларда КПСС (б) нинг ҳудудий раҳбарлари: маълумотнома. — М.: „РОССПЕН“, 2016. — п. 82-83.