Mombasa

Момбаса — Кениядаги шаҳар, Ҳинд океанидаги маржон оролида, материк билан дамба ва кўприк орқали боғланган. Соҳилбўйи провинсиясининг маъмурий маркази. Аҳолиси 450 минг кишидан зиёд (1990-йиллар ўрталари). Шарқий Африка ва мамлакатнинг йирик порти (йиллик юк ортиб-тушириш 6 млн.т дан ортиқ) бўлиб, чуқур сув ости причаллари билан жиҳозланган, океан кемалари ҳам кира олади. Транспорт йўли орқали Уганда ва Танзания билан боғланган. Аэропорти халқаро аҳамиятга эга. Не-фтни қайта ишлаш, кимё, озиқ-овқат (гўшт комбинати, ун тортиш, шоли оқлаш), тамаки, тўқимачилик саноати корхоналари, кема верфи мавжуд.

Шаҳар ХИИ асрдан маълум. Йирик савдо шаҳри бўлган. 1593-йилдан Португалиянинг Шарқий Африка соҳилларидаги мустамлакаси маркази эди. ХВИИИ асрдан уммонийларнинг Мазруий сулоласи қўл остига ўтди. 1837-йилдан Занзибар султонлиги таркибида бўлди. Меъморий ёдгорликлардан Иисус форти (ХВИ аср), соборлар, масжидлар, ибодатхоналар сақланган. Туризм ривожланган. Денгиз курорти.