Monashe Mishailovich Abramov (1926-yil 20-dekabr, Samarqand, Samarqand viloyati, Oʻzbekiston SSR — 1998-yil 13-oktyabr, Samarqand, Samarqand viloyati, Oʻzbekiston) — sovet va oʻzbekistonlik sharqshunos, tarixchi. Professor, tarix fanlari doktori.

Monashe Mishailovich Abramov
Fayl:Monashe Abramov.jpg
Tavalludi 20-dekabr 1926-yil
Samarqand, Samarqand viloyati, Oʻzbekiston SSR
Vafoti 13-oktyabr 1998-yil(1998-10-13)
(71 yoshda)
Samarqand, Samarqand viloyati, Oʻzbekiston
Istiqomat joylari Samarqand
Fuqaroligi SSSR bayrogʻi SSSR → Oʻzbekiston bayrogʻi Oʻzbekiston
Kasbi sharqshunos, tarixchi
Sohasi Samarqand tarixi va Buxoro yahudiylari tarixi
Ish joylari Maksim Gorkiy nomidagi Samarqand pedagogika instituti
Samarqand davlat universiteti
Taʼlimi Samarqand pedagogika instituti
Samarqand davlat universiteti
Ilmiy darajasi tarix fanlari doktori
Ilmiy unvoni professor
Akademik rahbarlari professor Ivan Ivanovich Umnyakov
Mashhur ishlari „Samarqand guzarlari“
ruscha: „Guzarы Samarkanda“
„Samarqanddagi buxorolik yahudiylair (1843-1917)“
ruscha: „Buxarskie evrei v Samarkande (1843–1917 gg.)“
Mukofotlari

Tarjimayi holi

Monashe Abramov 1926-yil 20-dekabrda Samarqand shahrida xizmatchi oilasida tug‘ilgan[1][2]. Monashe Abramov kelib chiqishi Buxoro yahudiylariga borib taqaladi. 1933−1941-yillarda Samarqand shahridagi 25-oʻrta maktabda oʻqigan[3]. 1941−1944-yillarda Samarqand pedagogika institutida, 1944−1946-yillarda Samarqand davlat universiteti tarix fakultetitda tahsil olgan.

1949-yil iyul oyida Samarqand shahridagi Maksim Gorkiy nomidagi pedagogika institutiga ishga qabul qilingan, keyinchalik O‘zbekiston davlat universiteti dotsenti vazifasini bajaruvchi boʻlib ishlagan[3]. 1960–1982-yillarda Monashe Abramov Samarqand davlat universiteti tarix fakulteti dekan muovini lavozimida ishlagan[2]. 1982–1998-yillarda Monashe Abramov tarix fakultetining O‘zbekiston xalqlari tarixi kafedrasini boshqargan[1].

Vafoti

Monashe Abramov 1998-yil 13-oktybarda Samarqandda vafot etgan[1]. Samarqanddagi yahudiylar qabristoniga dafn etilgan[4][2].

Ilmiy faoliyati

Monashe Abramovning ilmiy-tadqiqot faoliyati Samarqand tarixi va Buxoro yahudiylari tarixini oʻrganishga qaratilgan edi. 100 dan ortiq ilmiy ishlar muallifi boʻlgan[1]. Monashe Abramov professor Ivan Umnyakov ilmiy rahbarligida 1958-yilda „Samarqand viloyatidagi „Qoʻshchi“ uyushmasining faoliyati (1919–1927)“ (ruscha: «Deyatelьnostь soyuza „Koshchi“ v Samarkandskoy oblasti (1919–1927 gg.)») mavzusida nomzodlik dissertatsiyasini himoya qilgan[1][2].

1989-yilda tarix fanlari doktori ilmiy darajasini olish uchun ruscha: „Sotsialьno-ekonomicheskaya i kulьturnaya jiznь Samarkanda v XVI- pervoy polovine XIX vv.“ mavzusida doktorlik dissertatsiyasini himoya qilgan[2]. Eng mashhur ilmiy asarlari: ruscha: „Iz istorii Samarkanda 30-40 godov XIII veka“, „Iz istorii Samarkanda kontsa XIII veka“, „Iz istorii proizvodstva samarkandskoy bumagi“, „Istoriya Samarkanda v ego mikrotoponimax“, „Kulьtura narodov Sredney Azii XIII-XV vv., „Guzarы Samarkanda“ (1989), „Buxarskie evrei v Samarkande (1843-1917 gg.)“ (1993), „Ulugbek i blagoustroystvo gorodov Uzbekistana“ (1991), „Samarqand qabristonlari“ (1995), „Tazkirai adabiyoti yahudiyoni buxori“ (1997) kitoblari hisoblanadi[1][3].

1994-yil 16-dekabrda Samarqand davlat universiteti tomonidan „faxriy professor“ ilmiy unvoni berilgan[1][2].

Mukofotlari

Monashe Abramov 1947-yilda „1941−1945-yillarda Ulugʻ Vatan urushidagi shavkatli mehnati uchun“ medali[2], 1994-yilda „Shuhrat“ medali, 1998-yilda „Doʻstlik“ ordeni[5], 1977-yilda „Xalq taʼlimi aʼlochisi“, 1987-yilda „Oliy taʼlim aʼlochisi“ koʻkrak nishonlari bilan taqdirlangan[1].

Manbalar

  1. ↑ 1,0 1,1 1,2 1,3 1,4 1,5 1,6 1,7 Shoista Xasanova, Raxim Kayumov. „Vspominaya uchitelya“ (rus tilida). samcity.uz (2016-yil 28-dekabr). 2023-yil 8-sentyabrda asl nusxadan arxivlangan. Qaraldi: 2023-yil 8-sentyabr.
  2. ↑ 2,0 2,1 2,2 2,3 2,4 2,5 2,6 Menashe Abramov, Solomon Fataxov. Iz istorii i kulьturы buxarskix evreev (rus tilida). Nyu-York: Independent Publisher,, 2014 — 292-bet. ISBN 1495133745, 9781495133749. 
  3. ↑ 3,0 3,1 3,2 Shoista Xasanova, Raxim Kayumov. „Vospominaya dorogogo uchitelya. M.M.Abramov“ (rus tilida). kultura.uz (2016-yil 31-dekabr). 2023-yil 8-sentyabrda asl nusxadan arxivlangan. Qaraldi: 2023-yil 8-sentyabr.
  4. ↑ „Abramov Manashe Mishoelovich“. 2023-yil 8-sentyabrda asl nusxadan arxivlangan. Qaraldi: 2023-yil 8-sentyabr.
  5. ↑ „O‘zbekiston Respublikasi Prezidentining 1998-yil 27-avgustdagi „O‘zbekiston Respublikasi Mustaqilligining yetti yilligi munosabati bilan fan, sog‘liqni saqlash, madaniyat, ma’rifat, ommaviy axborot vositalari va ijtimoiy sohalar xodimlaridan bir guruhini mukofotlash to‘g‘risida“gi farmoni“. 2023-yil 8-sentyabrda asl nusxadan arxivlangan. Qaraldi: 2023-yil 8-sentyabr.

Havolalar