Morze kodi

Морзе коди, Морзе алифбоси — телеграф алоқада қўлланадиган шартли белгилар тизими; нуқта ва тирелардан иборат. С. Морзе тужт. Ҳарбир ҳарфга муайян нуқта ва тирелар уйғунлашуви (комбинацияси) тўғри келади. Нуқта ва тирелар электр токи импулслари тарзида узатилади. Узатиладиган импулс — код жуда қисқа бўлиб, ҳар қайси белгини белгилашда элементлар сони ҳар хил (ўзгарувчан код) ёки бир хил (ўзгармас код) бўлиши мумкин. Код элементлари сонига қараб, 5 элементли, 6 элементли ва бошқа хилларга бўлинади. Морзе коди Морзе аппарати ёрдамида узатилади. Ўзгарувчан коддан камроқ, ўзгармас коддан кўпроқ фойдаланилади. Бунда нуқта ва тире ўрнида плюс (+) ва минус (—) белгилари ишлатилади. Морзе коди ҳозир асосан, радиоҳаваскорлик алоқа тизимида қўлланади (2003).