Moskva jangi

Москва уруши - Иккинчи жаҳон урушидаги йирик урушлардан бири (1941.30.9 — 1942.20.4). Мудофаада турган (1941.5.12 гача) совет қўшинларининг Ғарб (генерал-полковник И. С. Конев, 10-октабрдан армия генерали Г. К. Жуков), Резерв (маршал С. М. Будённий), Брянск (генарал-полковник А. И. Еременко, октабрдан генерал-маёр Г. Ф. Заҳаров) ва Калинин (генерал-полковник И. С. Конев) фронтлари шиддатли урушлардан сўнг, олмон қўшинларининг "Марказ" армиялар гуруҳи (генерал-фелдмаршал Ф. Бок) ҳужумини Волга сув омборидан жануброқда, Дмитров, Яхрома, Красная Поляна (Москвадан 27 км узоқликда), Истрадан шарқроқда, Кубинкадан ғарброқда, Наро-Фоминск, Серпуховдан ғарброқда, Алексин, Туладан шарқрокда тўхтатиб душманни ҳолдан тойдирганлар. 5—6-декабрда совет қўшинлари қарши ҳужумга ўтиб, 1942-йил 7—10-январда бутун фронт бўйлаб ялпи ҳужумга ўтганлар. 1942-йилнинг январ — апрелида Шимоли-Ғарбий (генерал-лейтенант П. А. Курочкин), Калинин, Ғарбий ва Брянск (генерал-полковник Я.Т. Черевиченко) фронтларининг сўл қанот қўшинлари рақибни мағлубиятга учратиб, уни 100–250 км нарига улоқтириб ташлашган. Иккинчи жаҳон урушида олмонлар армияси устидан илк бор йирик ғалабага эришилган.