Moskva viloyati
Москва вилояти — Россия Федерацияси таркибидаги вилоят. 1929-йил 14-январда ташкил этилган. Марказий иқтисодий раёнга киради. Майдони 47 минг км². Аҳолиси (Москва шаҳридан ташқари) 6564,1 минг киши (1998), Москва ва Москва шаҳри маъмуриятига қарашли шаҳар ва шаҳарчалар билан бирга 15193,3 минг киши. Асосий аҳолиси руслар (93,5%), шунингдек, украин, белорус, татар ва бошқа миллат вакиллари ҳам яшайди. Шаҳар аҳолиси — 79,7% (Москвадан ташқари), Москва ва Москва маъмуриятига карашли шаҳар ва шаҳарчалар билан — 91,2%. Москва вилоятида Москва шаҳри атрофида Россия Федерациясидаги энг йирик шаҳар агломерацияси жойлашган. Москва вилояти 39 туманга бўлинган, 74 шаҳар, 111 шаҳарча бор. Маркази — Москва шаҳри
| Россия Федерацияси субекти | |
| Московская область Москва вилояти | |
|---|---|
|
| |
| Москва вилояти байроғи | Москва вилояти герби |
|
| |
| Административ марказ | Москва |
| Майдон | 44 379 км² (55-чи (Россия Федерациясида)) |
| - сув қисми | 0,4% |
| Аҳоли | |
| - маълумот олинган вақт | 2014 |
| - зичлик | 7 133 620 киши / км² |
| ЯИМ | 1 796,5 млрд руб. (4 -чи) |
| - маълумот олинган вақт | 2010 |
| - жон бошига | 251,8 минг руб. |
| Федерал округ | Марказий |
| Иқтисодий туман | Марказий |
| Губернатор | Андрей Юревич Воробёв |
| РФ субекти коди | 50, 90, 150, 190, 750 |
| Вақт минтақаси | МСК+4 (УТC+8) |
Географияси
Москва вилояти Шарқий Европа текислигининг марказий қисмида, Волга ва Ока дарёлари оралигида жойлашган. Ер юзаси, асосан, текислик. Вилоятнинг шимолий қисмида Москва қирлари бор. Москва вилоятининг жануби-шарқий қисмида Мешчёра пасттекислигинмнг ғарбий чеккаси, жанубий қисмида Ўрта россия қирларининг шимолий давоми (баландлиги 150–200 м) жойлашган. Иқлими мўтадил, континентал. Январ ойининг ўртача ҳарорати –10°, июлники 17°. Баъзан –45°, –50°гача совуқ, ёзда — 38°–40° гача иссиқ бўлиши мумкин. Йиллик ўртача ёғин 450–650 мм. Вегетация даври 170 кунга яқин. Москва вилояти дарёлари Волга ҳавзасига мансуб. Шимолида Волга ва унинг ирмоқлари, жанубида Ока ва унинг ирмоқлари оқади. Москва вилоятининг шимолий қисмидан Москва номли канал кесиб ўтади.
Кўллари
Тростенское, Нерское, Святое ва бошқа Ҳар хил чимли подзол, крратупроклар асосий ўрин тутади. Вилоят ҳудудининг 50% ўрмон (қайин, тоғтерак, қорақарағай, қарағай ва ҳоказо). Лос, сувсар, қора сассиқкўзан, бўрсиқ, тулки, қобон, оқ товушқон, тийин, ҳар хил қушлар, сув ҳавзаларида баликлар яшайди. Вилоят ҳудудида Лос Ороли миллий боғи, Ока бўйитерраса қўриқхонаси бор.
Москва вилояти эски саноат раёни. Мануфактура, кейинчалик фабрика саноати (асосан, тўқимачилик)нинг дастлабки марказлари ХВИИИ—ХИХ асрларда вужудга келган. Ҳозирги Москва вилояти шаҳар атрофи интенсив қишлоқ хўжалиги билан бирга юксак даражада ривожланган индустриал раён. Москва вилояти хўжалигининг ривожланиши Москва шаҳри билан чамбарчас боғлиқ. Москва вилояти ҳудудида Москва шаҳрининг хўжалик объектлари, дам олиш зоналари жойлашган. Саноати, асосан, четдан келтирилган хом ашё, малакали кадрлар ва қудратли илмий техника базасига таянади. Саноатининг асосий тармоқлари: машинасозлик (энергетика, оғир саноат, транспорт, станоксозлик, аниқ машинасозлик), енгил, кимё, қурилиш материаллари ишлаб чиқариш Фойдали қазилмалардан фосфорит, торф, норуда қурилиш материаллари қазиб олинади. Машинасозликнинг йирик корхоналари — Подолск машинасозлик заводи (иссиқлик электр стансиялари учун қозонлар ишлаб чиқарилади), „Электросталтяжмаш“ заводи (прокат ускуналар), Дмитров, Егорев, Коломна станоксозлик заводлари (металл кесувчи станоклар), Митишчи "Метровагонмаш (метрополитен вагонлари, юк автомобиллари), Лика автобус заводи (шаҳар автобуслари), Серпухов автомобил заводи („Ока“ енгил автомобиллари), Коломна машинасозлик заводи (магистрал тепловозлар), Люберецк қишлоқ хўжалиги машиналари заводи (силос босиш техникаси), Подолск механика заводи (тикувчилик машиналари), Красногорск механика заводи (фотоаппаратлар, оптик техника). Енгил саноат корхоналари (вилоят умумроссия газмоллар ишлаб чиқаришнинг 15% га яқини, трикотаж маҳсулотларининг 10% га яқинини беради) — „Ореховтекстил“, „Глуховтекст“, „Ока“ тўқимачилик фирмаси (пахта ипи, газламаси), Мошин, Павлов-Посад камвол комбинатлари, Купава юпқа мовут фабрикаси (жун ип ва жун газлама). Наро-Фомин ипакчилик комбинати, Ивантеев трикотаж бирлашмаси, Ногинск пайпоқ корхонаси, Люберецк гилам комбинати бор; кимё саноати корхоналари: фосфоритлар ва минерал ўғитлар ишлаб чиқариш корхоналари (фосфор ва азот ўғитлари), „Клинволокно“ (кимё толаси ва ипи), „Карболит“ (пластмасса маҳсулотлари), Сергиев-Посад лок-бўёқ заводи; „Строй индустрия“ қурилиш материаллари саноати, Шатура ва Кашира ГРЕСлари ишлаб турибди. Қишлоқ хўжалигида шаҳар атрофи қишлоқ хўжалиги асосий ўрин тутади (сут-гўшт чорвачилиги, чўчқачилик, паррандачилик). Деҳқончиликда озуқа етиштириш етакчи ўринда (экин майдонларининг 3/5 қисми озуқа экинлари билан банд), шунингдек, ғаллакорлик, картошкачилик, сабзавотчилик, шу жумладан, ёпиқ грунтда (асосан, вилоятнинг Москвага ёндошган раёнларида).
Москва вилояти узунлиги 2703 км, шу жумладан, 2120 км электрлаштирилган. Қаттиқ қопламали йўллар 10 минг км. Йўллар зичлиги 321 км/минг км². Волга, Ока, Москва дарёлари ва Москва каналида кема қатнайди. Дарё портлари — Дубна, Серпухов, Коломна, Зарайск, Воскресенск, Москвага Рязан ва Ярославлдан нефт қувури ўтказилган. Москва атрофида тақсимловчи ҳалқа газ қувури бор. 4 аэропорт: Шереметево, Домодедово, Внуково, Биково. Москва шаҳри атрофида 50 км радиусда дам олиш зоналари бўлган ўрмон-парк ҳимоя минтақаси ажратилган.
Вилоятнинг илмий мажмуаси муҳим аҳамиятга эга. Асосий илмий марказлар: мудофаа йўналишидаги — Королёв, Химки, Балашиха, Жуковский, Троицк; фундаментал тадқиқотлар бўйича — Пушчино (биология фанлари), Черноголовка (кимё фанлари), Дубна ва Протвино (ядро физикаси).
Москва вилоятидаги машҳур меъморий тарихий ёдгорликлар — Сергиев Посад, Звенигород, Волколамск, Коломна, Верея шаҳарлари ва бошқа ХИХ—ХХ асрларда рус маданияти марказлари ҳисобланган кўп сонли музеюсадбалар — Абрамсево, Мураново, Остафево, Архангелское. Вилоятнинг халқ ҳунармандчилиги — Гжел керамикаси, Федоскино лок миниатюраси, Жостовонинг металлга гул солиш, Звенигороднинг ўйинчоқ ва мусика асбоблари машҳур. Сергиев-Посад шаҳрида ТроицаСергиев лавраси мавжуд. Бир қанча монастирлар (Иосифволоцк, Хотков ва бошқалар) бор.[2]
Манбалар
- ↑ Москва вилояти > Данные не обнаружены. Возможно страница переименовывалась. Проверьте справочникКатегория:Википедия:Статьи с неправильными параметрами шаблона Население
- ↑ ЎзМЕ. Биринчи жилд. Тошкент, 2000-йил
| Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |