Mozaik evolyusiya

Mozaik evolyusiya — yuksak taksonlarga mansub organizmlar yangi guruhlarining paydo boʻlishida har xil organlar qayta tuzilishining bir xil tezlikda bormasligi. Mozaik evolutsiya ayrim organlar va ular evolutsiyasining mustaqil borishi bilan bogʻliq. Mozaik evolutsiya tufayli „mozaik“ belgilarga ega aralash formalar vujudga keladi. Masalan, odam ajdodlarida juda erta paydo boʻlgan tik yurishga moslanish belgilari bilan birga bosh miyaning kichik va qoʻlning kalta boʻlishidan iborat maymunlar uchun xos belgilar, arxeopteriksda qushlarga xos belgilar bilan bir qatorda sudralib yuruvchilarga xos belgilar ham boʻlgan. Mozaik evolutsiya prinsipini G.de Bir (1954) arxeopteriksni oʻrganish asosida shakllantirgan. Undan ancha oldin ingliz paleontologi D. Uotson (1919) seymurlar (sudralib yuruvchilar ajdodiga oʻxshash xayvonlar) tuzilishidagi mozaiklikni aniqlagan. Mozaik evolutsiya prinsiplari u yoki bu darajada barcha organizmlar filogenezida sodir boʻladi.