Muhabbat Shamayeva
Муҳаббат Шамаева (асл исми Люба) (12-май 1944-йил, Бухоро, Ўзбекистон ССР) — хонанда, Ўзбекистон халқ артисти (1978).
Муҳаббат Шамаева Люба Шамаева | |
|---|---|
| Таваллуди |
1944-йил 12-май |
| Касби | Хонанда |
| Фуқаролиги |
 Ўзбекистон ССР Ўзбекистон |
| Турмуш ўртоғи | Илёс Маллаев |
Ҳаёт йўли
Муҳаббат Шамаева 1944-йил 12-май куни Бухорода туғилган. У Ўзбекистон ССРда Хизмат кўрсатган артист Илёс Маллаевнинг турмуш ўртоғи эди. Уларнинг Наргиза Маллаева ва Раж Маллаев исмлар фарзандлари бор. Фарзандлар ҳам хонанда бўлиб етишишган[1]. Ҳозир у бутун оиласи билан Ню-Ёркнинг Қуээнс туманида яшайди[2] ва марҳум турмуш ўртоғи Ўзбекистон ССРда Хизмат кўрсатган артист Илёс Маллаев асос солган „Мақом“ ансамблида фаолият юритади[1].
Ижодий фаолияти
Ижодий фаолиятини Бухорода ҳаваскорлик ансамблида бошлаган. 1963-1965-йиллар Ўзтелерадиосининг „Мақом ансамбли“, 1965-1991-йиллар эстрада-симфоник оркестрида якка хонанда. 1990-йилларнинг 2-ярмидан НюЁркдаги „Тикланиш“ бухоро яҳудийлари мусиқали театри актрисаси. Репертуаридан ўзбек халқ „Танавор“, „Фарғонача“ ашулалари, бастакор ва композиторлар яратган лирик ва эстрада қўшиқлари („Кўчалар“ Дони Зокиров; „Тошкент наҳори“, „Тонг навоси“ Муҳаммаджон Мирзаев; „Ўрик гуллаганда“ Манас Левиев; „Йўлларим“ Мухтор Ашрафий; „Мирзачўл ёр-ёри“ Ф. Кадиров) кенг ўрин олган. У, шунингдек, турли халқлар (тожик, яҳудий, озарбайжон, татар, турк, эрон, араб, афғон, франсуз ва бошқалар) қўшиқларини ҳам ижро этган. Европа ва Осиё мамлакатларида гастролда бўлган. Ижролари граммофон пластинка ва компакт-дискларга ёзилган[3].
2015-йилда Бутунжаҳон мусиқа институтининг (инглизча: Тҳе Wорлд Мусиc Институтеъс) „Илоҳий акс-садо: яҳудий аёллар овози“ номли Глобал салонида „Сймпҳонй Спаcе Леонард Нимой Тҳалиа“ театрида чиқиш қилган[4].
2018-йил 28-августда Тошкентдаги „Туркистон“ саройида Муҳаббат Шамаева билан Изро Малаков консерт берган[5] ва 6-10-сентябр кунлари Шаҳрисабзда ўтказилган Халқаро мақом санъати анжуманида иштирок этишган[6].
Манбалар
- ↑ 1,0 1,1 „Бухоро яҳудийлари Америкада. Халқ севган сан'аткорлар“ (25-январ 2016-йил). Қаралди: 9-март 2024-йил.
- ↑ „Муҳаббат Шамаева, Изро Малаков Ўзбекистонда яна катта саҳнада“ (29-август 2018-йил). Қаралди: 9-март 2024-йил.
- ↑ ЎзМЕ. Биринчи жилд. Тошкент, 2000-йил
- ↑ „Муҳаббат Шамаева, Галеэт Дардашти Перформ ат Тҳе Wорлд Мусиc Институте'с Глобал Салон Сериэс 'Эчоэс оф тҳе Дивине: Жеwиш Wомен’с Воиcес' ат Сймпҳонй Спаcе“ (Инглиз) (2-феврал 2015-йил). Қаралди: 9-март 2024-йил.
- ↑ Дарё.уз. „Изро Малаков ва Муҳаббат Шамаева Тошкентда консерт берди“ (29-август 2018-йил). Қаралди: 9-март.
- ↑ „Муҳаббат Шамаева: “Ўзбек санъатини, маданиятини АҚШда ҳам тарғиб қиляпмиз”“ (25-август 2018-йил). 2020-йил 30-январда асл нусхадан архивланган. Қаралди: 9-март 2024-йил.
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Шахсият ҳақидаги уşбу мақола çаладир. Сиз уни бойитиб, ЗиёСферага ёрдам бериşингиз мумкин. |