Muhammad Kabir Bahodirxonov
Муҳаммад Кабир Сайидхонович (Сайидхон ўғли) Баҳодирхонов (1941-йил 17-август, Ғулжа шаҳри, ХХР — 2021-йил 19-август, Тошкент, Ўзбекистон) — ўзбекистонлик физик олим, Ўзбекистон Фанлар академияси аъзоси, академик (2017), физика-математика фанлари доктори (1982), профессор.
| Муҳаммад Кабир Сайидхонович (Сайидхон ўғли) Баҳодирхонов | |
|---|---|
 | |
| Таваллуди |
17-август 1941-йил Ғулжа, ХХР |
| Вафоти |
19-август 2021-йил (80 ёшда) Тошкент, Ўзбекистон |
| Фуқаролиги |
 Ўзбекистон |
| Касби | физик олим |
| Соҳаси | яримўтказгичлар ва диэлектриклар физикаси |
| Таълими | Тошкент давлат университети |
| Илмий даражаси | физика-математика фанлари доктори |
| Илмий унвони | академик |
Биографияси
Муҳаммад Кабир Баҳодирхонов 1941-йил 17-августда Ғулжа шаҳрида туғилган[1][2]. 1959-йилда Тошкент давлат университети физика факултетига ўқишга кириб, 1965-йилда яримўтказгичлар ва диэлектриклар физикаси мутахассислиги бўйича тамомлайди. 1971—1985-йиллари Тошкент давлат университети „Яримўтказгичлар ва диэлектриклар физикаси“ кафедраси мудири, 1985—1991-йиллари Тошкент политехника институти „Физикавий электроника“ кафедраси мудири, 1991—1992-йиллари Тошкент давлат техника университети илмий ишлар бўйича проректори, 1996—2003-йилларда Вазирлар Маҳкамаси ҳузуридаги Олий аттестация комиссияси раисининг биринчи ўринбосари, 2004—2012-йиллари Тошкент давлат техника университети „Электроника ва микроэлектроника“ кафедраси мудири[3], 2012—2021-йилларда Тошкент давлат техника университетининг „Рақамли электроника ва микроэлектроника“ кафедраси профессори бўлиб фаолият юритган[4].
Оиласи
Муҳаммад Кабир Баҳодирхоновнинг уч ўғил ва бир қизи бор[3].
Вафоти
Муҳаммад Кабир Баҳодирхонов 2021-йил 19-августда Тошкент шаҳрида 80 ёшида вафот этган[1][4][5].
Илмий фаолияти
1965-йилда Россия Фанлар академияси Абрам Фёдорович Иоффе номидаги физика-техника институти аспирантурасига ўқишга киради. Олим Борис Иосифович Болтакс илмий раҳбарлигида яримўтказгичлар физикаси бўйича номзодлик ишини 1971-йилда ҳимоя қилиб, физика-математика фанлари номзоди илмий даражасини, 1982-йили эса докторлик диссертациясини ёқлаб, физика-математика фанлари доктори илмий даражасини олади. 2017-йилдан Ўзбекистон Фанлар академияси академиги[6]. Олим „Яримўтказгич материалларда диффузион жараёнлар“, „Киришма атомлар билан компенсацияланган кремний материалининг электрофизик, фотоэлектрик, оптик ва галваномагнит хусусиятларини ўрганиш“ илмий мактабларига асос солган. Муҳаммад Кабир Баҳодирхонов Ўзбекистонда биринчилардан бўлиб саноат-технологик тизимидан иборат илмий лаборатория ташкил этиш ва ушбу лабораторияда наноструктурали кремний олиш технологиясини яратишга муваффақ бўлган[2]. Олим 10 та монография, 16 та дарслик, 20 та ихтиролар, 300 дан ортиқ илмий мақолалар муалллифидир[3]. 100 дан ортиқ мақолалари АҚШ, Германия, Россия, Корея, Хитой ва бошқа давлатларнинг нуфузли илмий журналларида чоп этилган[1].
Унвон ва мукофотлари
Манбалар
- ↑ 1,0 1,1 1,2 „Ўзбекистон илм-фани оғир жудоликка учради“ (2021-йил 21-август).
- ↑ 2,0 2,1 2,2 „Ўзбекистон илм-фани оғир жудоликка учради“ (2021-йил 21-август).
- ↑ 3,0 3,1 3,2 3,3 Ўзбекистоннинг таниқли олимлари энсиклопедияси, 1-том (ўзбекча), Тошкент: Сcиэнcе анд Инноватион, 2022 — 342-бет.
- ↑ 4,0 4,1 4,2 „Академик Муҳаммад Кабир Баҳодирхонов вафот этди“ (2021-йил 19-август).
- ↑ „Академик Муҳаммад Кабир Баҳодирхонов вафот этди“ (2021-йил 19-август). 2023-йил 21-июлда асл нусхадан архивланган. Қаралди: 2023-йил 21-июл.
- ↑ „Ўзбекистон Республикаси Президентининг “Ўзбекистон Республикаси Фанлар академиясининг ҳақиқий аъзолари тасдқилаш тўғрисида”ги 2017-йил 29-декабрдаги ПФ-5293-сон Фармони“.
- ↑ „Фанлар академиясининг бир гуруҳ аъзолари “Меҳнат фахрийси” коъкрак нишони билан тақдирланди“ (27-апрел 2021-йил).