Muhammad Mirolim Buxoriy

Муҳаммад Миролим Бухорий (ХИХ аср) — бухоролик тарихчи олим.

Амир Насруллоҳ (1827—1860) даврида Ғузор ҳокими Муҳаммад Олимбекнинг хизматида бўлган ва унинг топшириғи билан „Фатҳномаи Султоний“ („Султон фатҳ-номаси“) тарихий китобини ёзган. Асар муқаддима ва 29 бобдан иборат. У Амир Шоҳмурод (1785—1800) давридан то Амир Насруллоҳ ҳукмронлигининг дастлабки йилларигача Бухоро амирлигида бўлиб ўтган воқеаларни ўз ичига олади. Амир Шоҳмуроднинг Афғонистон ҳукмдори Темуршоҳга қарши ҳарбий юришлари тасвирланган. Муаррих Амир Насруллоҳ даври воқеаларини батафсил ёритади. Унинг вафоти туфайли асарнинг 2-қисми ёзилмаган. „Фатҳномаи Султоний“нинг Муҳаммад Мурод Самарқандий. „Рустам филни ўлдириши“ (ХВИ аср охири, Фирдавсийнинг „Шоҳнома“ асарига ишланган).

1-қисми О. Чехович томонидан рус тилига таржима қилинган (лекин, нашр этилмаган). Асар қўлёзмаси ва русча таржима Ўзбекистон Фанлар академияси Шарқшунослик институтида сақланади.

Адабиёт

• Саидқулов Т., Ўрта Осиё халқлари тарихининг тарихшунослигидан лавҳалар, Т., 1993; Аҳмедов Б., Ўзбекистон тарихи манбалари, Т., 2001.