Muhammad al-Abhariy (faqih)

Муҳаммад ибн Абдуллоҳ ибн Муҳаммад ибн Солиҳ ибн Умар ибн Мисъаб ибн аз-Зубайр ал-Абҳарий ал-Моликий — фақиҳ, қори, Молик ибн Анас мазҳабини шарҳлашга оид асарлар мусаннифи, муҳаддис, усул ал-фиқҳ соҳаси бўйича олим бўлган. Унинг Молик ибн Анас мазҳабини тушунтириш ва унга қарши чиққанларга раддия тарзида ёзилган асарлари бор. Ўз давридаги замондошларининг пешвоси бўлган. У Буҳрон, Бағдод ва Куфада ҳадис тинглаган. Тоғли Абҳарда 902-йил туғилган. Бағдодда истиқомат қилган ва шу ерда фақиҳ бўлиб етишган, қироат ва иснод илмларини эгаллаган. Бағдодда ҳадис айтган ва 986-йилда шу ерда вафот этган.

Муҳаммад ал-Абҳарий
Шахсий маълумотлар
Таваллуди	милодий 902-йил (ҳижрий 289-йил)
Вафоти	милодий 986-йил (ҳижрий 375-йил)
Дини	Ислом

Асарлари

• „Шарҳу мухтасари ибн ал-Ҳакам“ (Ибн ал-Ҳакам „Мухтасари“га шарҳ")
• „ар-Радд ала-л-Музний фи салосина масъала“ („Ўттиз масала ҳақида ал-Музнийнинг фикрларига қарши битилган раддия“)
• „Китоб фи усули-л-фиқҳ“ („Фиқҳ илмининг асослари ҳақидаги китоб“)
• „Фазлу-л-Мадина ала Макка“ („Мадинанинг Маккага нисбатан устувор фазилати“)
• „Шарҳу китоби Абдулҳаким ал-Кабийр ва-с-сағийр“ (Абдулҳакимнинг „Катта ва кичик ҳукмлар китоби“га шарҳ").