Muhammad al-Taniy masjidi
Муҳаммад ал-Таний масжиди (сомалича: Masaajidka Maxamed Al Taani) – Сомалининг Могадишо шаҳридаги ўрта асрларда Ҳамар Вейне туманида қурилган масжид[1].
| Масжид | |
 | |
| Мамлакат |  Сомали
|
| Шаҳар | Могадишо |
| Асосчи | Муҳаммад Али |
Тузилиши
Хамар Вайн жоме масжидига яқин жойлашган Муҳаммад ал-Таний масжидининг меҳробидаги шерозий услубидаги ёзувлар унинг қадимийлигидан далолат беради. Айдарус Шариф Али ўзининг „Буғят ал-амал фи тарих ас-сумал“ китобида ёзишича, ҳижрий 604-йилда Муҳаммад Али исмли киши Мисрдан Могадишога келиб, шаҳар ҳокими бўлган[2]. Унинг ҳукмронлиги даврида қуйидаги масжидлар барпо этилган: Муҳаммад ал-Аввал (яъни Муҳаммад Биринчи) масжиди (маҳаллий аҳоли уни Жамоа Хамар Вайн деб атайди), Муҳаммад ал-Таний (Муҳаммад Иккинчи) масжиди ва Арбаъ Рукун (тўрт бурчакли) масжиди. Айдаруснинг таъкидлашича, бу масжидларнинг сўнггиси – Арбаа Рукун масжиди – ҳижрий 667-йилда (милодий 1269-йилда) қуриб битказилган[3].