Mujrim-Obid sahifasining manbasini koʻrish

{{Shaxsiyat bilgiqutisi
 | Oti                  = Mujrim-Obid
 | tavallud_paytidagi_ismi = Obidxoʻja Mirakxoʻja oʻgʻli
 | tavallud_sanasi      = XVIII asrning 2-yarmi
 | tavallud_joyi        = [[Buxoro viloyati]], [[Vobkent tumani]], [[Kumushkent]]
 | vafot_sanasi         = XIX asrning 1-choragi
 | kasbi                = [[Shoir]]
}}

'''Mujrim-Obid''' (taxallusi; asl ismi: '''Mirakxoʻja oʻgʻli''', XVIII asrning 2-yarmi; hozirgi [[Buxoro viloyati]], [[Vobkent tumani]], [[Kumushkent]] – XIX asrning 1-choragi) – [[zullisonayn]] [[shoir]].

== Hayoti ==
Oʻz davri Buxoro adabiy muhitining zabardast vakili. Tarjimai holiga oid maʼlumotlar yetarli emas. Baʼzi manbalarda shoirning ismi Obidxoʻja, otasining ismi Mirakxoʻja ekanligi qayd qilingan. [[Mir Arab madrasasi]]da tahsil koʻrgan. Dastlab Mujrim taxallusi bilan sheʼrlar yozgan. XIX asrning boshlarida [[Amir Haydar]] unga Obid taxallusini bergan. Lekin u Mujrim taxallusidan ham voz kechmay, har ikkala taxallus bilan ijod etgan. U [[Amir Haydar]] saroyida muboshirlik vazifasida ishlagan. 80 yilcha umr koʻrgan shoir hayotining soʻnggi yillarida qashshoqlikda yashagan. Sheʼrlarida vafosiz dunyodan, adolatsiz zamondan, oqibatsiz odamlardan nolish – shikoyat ohanglari aks etgan.

Turkiy ijodida [[Alisher Navoiy|Navoiy]] va [[Boborahim Mashrab|Mashrab]], forsiy sheʼrlarida [[Bedil]]ga izdoshlik qilgan. Uning turkiy devonida 459, forsiy devonida 206 gʻazal bor. Devonlarida, shuningdek, [[muxammas]]lari, [[Qitʼa (lirik janr)|qitʼalari]], [[ruboiy]]lari, „Hasbi hol“ masnaviysi mavjud. Asarlari toʻliq holda nashr etilmagan. Gʻazallaridan namunalar hamda [[Qitʼa (lirik janr)|qitʼa]] va [[ruboiy]]lari bosilib chiqqan. Forsiy devoni mukammal emas.

Mujrim-Obid anʼanaviy uslubda goʻzal ishqiy gʻazallar yaratgan. Ularda [[soʻfi]]yona ruh kuchli. Ogʻir hayot yoʻlini bosib oʻtgan shoirning aksar sheʼrlarida shikoyat, qasrat ohangi ustun. Forsiy-arabiy soʻzlar koʻp uchrashi jihatdan sheʼrlarining tili murakkab, lekin uslubi sodda, ifoda tarzi ravon. Sharq adabiyotini chuqur bilishi, yetuk isteʼdod sohibi ekanligi sheʼrlaridan sezilib turadi. Sheʼrlari ohorli va goʻzal tashbehu timsollar, teran falsafiy umumlashmalar, keskin ijtimoiy fikrlarga boy. Qitʼa va ruboiylarida shoirning axloqiy qarashlari, pand-nasihatlari aks etgan. Umuman, dunyoning nomukammalligi, jamiyat qusurlari, odamlar feʼlidagi illatlarni tanqid qilish shoir sheʼriyatining asosini tashkil etadi.

Mujrim-Obidning turkiy va forsiyda bitilgan devonlarining qoʻlyozma nusxalari Oʻzbekiston Fanlar akademiyasi [[Oʻzbekiston Respublikasi Fanlar akademiyasining Sharqshunoslik instituti|Sharqshunoslik institutida]] saqlanadi (inv. № 976, 1797, 3798, 991).

== Adabiyotlar ==
* Oʻzbek adabiyoti tarixi [5 j.li], 5-j., T., 1978;
* Eshmonov Gʻ., Mujrim Obidning turkiy ijodiyoti, T., 2002.

== Manbalar ==
* Mujrim-Obid, Gʻazallar, T., 1960;
* Mujrim-Obid, Ruboiy va qitʼalar, T., 1996.

== Havolalar ==
{{Vikiiqtibos}}{{no iwiki}}

{{OʻzME}}

{{chala}}

[[Turkum:Alifbo boʻyicha shoirlar]]
[[Turkum:Buxoro madrasalarida tahsil olganlar]]
[[Turkum:Mir Arab madrasasida tahsil olganlar]]