Ziyosfera

Murat Solihov

Мурат Солиҳов (қирғизча: Мурат Салыков; 1905-йил – 1938-йил 5-ноябр) – Қирғизистон ССР Халқ Комиссарлари Совети раиси.

Мурат Салихов
қирғизча: Мурат Салихов
 Қирғизистон ССР Халқ комиссарлари Марказий қўмита раиси
 
Мансаб даври
1937-йил 27-феврал – 1938-йил 15-феврал
Ўтмишдоши Баяули Исакеев
Вориси Исмаил Абузяров
Шахсий маълумотлари
Таваллуди 1905-йил
Ровот, Ўш уезди, Туркистон генерал-губернаторлиги, Россия империяси
Вафоти 1938-йил 15-феврал
Чўн-Таш, Ворошилов тумани, Қирғизистон ССР, СССР
Миллати қирғиз
Сиёсий партияси БКП (б)
Болалари Куват (оғли)
Атиргул (қизи)

Ҳаёти

Мурат Солиҳов 1905-йилда Ўш тумани[1] Равот қишлоғида (ҳозирги Андижон вилояти Марҳамат тумани) камбағал деҳқон оиласида таваллуд топган. 1916—1918-йилларда Сулукта вилоятида чўпонлик қилган. 1919-йилда бутуниттифоқ ленинчи коммунистик ёшлар союзига қўшилган. 1919—1922-йилларда Қўқон педагогика техникумида таҳсил олган, лекин у ердаги ўқишини тамомламаган[2]. Кейинчалик, Қирғизистон педагогика техникумини тугатган, яна бошқа маълумотларга кўра, 1921—1925-йилларда Тошкентдаги педагогика институтида таълим олган[2].

1925—1927-йилларда Ўш тумани халқ таълими бўлими мудири лавозимида фаолият олиб борган[2]. 1927-йилдан Совет Иттифоқи Коммунистик Партияси аъзоси, Ўш ККП кантон қўмитаси тарғибот ва ташвиқот бўлими мудири, округ ижроия қўмитаси президиуми ва райком бюроси аъзоси бўлган. Кейинчалик, 1931-йилда Ўзғон туман ижроия қўмитаси раиси, кейинроқ ўша йили Ўш тумани ижроия қўмитаси раиси лавозимларида ҳам ишлаган. 1931—1933, 1934-йилларда Тошкент марксизм-ленинизм институтида 2 курсни тамомлаган.

Бир муддат Ўш тумани Кенгаши ижроия қўмитасининг раиси, Болшевиклар Коммунистик партияси (Қирғизистон АССР) округ қўмитасининг 1-котиби ва Қирғизистон АССР Маориф халқ комиссари ўринбосари лавозимларида фаолият юритган, аммо ушбу лавозимларда қанча вақт давомида хизмат кўрсатганлиги аниқ келтирилмаган.

  • ? – 1931-йил – от фермаси сиёсий бўлими бошлиғи.
  • 1934—1937-йил апрел – Болшевиклар Бутуниттифоқ Коммунистик партияси Ўш округ қўмитаси 1-котиби (Қирғизистон АССР).
  • 1937-йил 4-апрел —? – ККП (б) Қирғизистон вилоят қўмитаси қишлоқ хўжалиги бўлими бошлиғи – Қирғизистон КП (б) МК.
  • 1937-йил июн – Қирғизистон КП (б) МК аъзоси, Қирғизистон КП (б) МК Бюроси аъзоси.
  • ? – 1937-йил сентябр – Қирғизистон КП (б) МК 3-котиби.
  • 1937-йил 27-сентябр – 1938-йил 15-феврал – Қирғизистон ССР Халқ Комиссарлари Совети раиси.
  • 15-феврал[3] – 1938-йил 8-май[4] – Қирғизистон ССР Марказий Ижроия Қўмитаси раиси вазифасини бажарувчи.

Мурат Солиҳов 1938-йилда ҳибсга олинган. 1938-йил 12-сентябрдаги қатл рўйхатида „биринчи тоифа“даги қатл қилинадиган маҳбуслар рўйхатида бўлган[5]. Мурат Солиҳов Қирғизистон ССРнинг Тош-Тепа (Чуй вилояти) қишлоғи яқинида отиб ўлдирилган.

Оиласи

  • Хотини – Азҳар (?—1945) – олий маълумотли, эри ҳибсга олингандан сўнг фамилиясини ўзгартириб, Ўзбекистонга кетган.
    • Ўғли – Қуват.
    • Қизи – Атиргул.

Манбалар

  1. ↑ АЗ Либрарй По другим сведениям близ пос. Сулюкта.
  2. ↑ 2,0 2,1 2,2 Салихов Мурат (Wайбаcк Мачине сайтида 2015-09-25 санасида архивланган) // сайт ЦентрАзия
  3. ↑ Постановлениэ Президиума ЦИК Киргизской ССР (ЦГА КР, ф. 22, оп.2, д. 114, л. 142)
  4. ↑ Постановлениэ Президиума ЦИК Киргизской ССР (ЦГА КР, ф. 22, оп. 2, д. 115, л. 33)
  5. ↑ „Список лиц, подлежащих суду Воэнной Коллегии Верховного Суда Союза ССР“. 2016-йил 4-мартда асл нусхадан архивланган. Қаралди: 2023-йил 7-июн.

Ҳаволалар

"https://new.ziyosfera.uz/ziyo/Murat_Solihov" dan olindi