Ziyosfera

Mushuk ayol

Мушук аёл (инглизча: Cатwоман), асл исми Селина Кйле) — хаёлий персонаж, ДC Cомиcс оиласига мансуб, Батман ҳақидаги комиксларда иштирок этади. Энг аввалида ўта ёвуз қаҳрамон бўлган, кейинчалик антиқаҳрамонга айланган. "Батман"даги дебютидан кейин қаҳрамон сифатида ўз комиксига эга бўлган.

Мушук аёл
инглизча: Cатwоман
Файл:Cатwоман.жпг
Рассом Станлей Лау.
Нашр ҳақида маълумот
Нашриёт ДC Cомиcс
Дебют Батман #1 (Июн 1940)
Муаллиф(лар) Билл Фингер
Боб Кане
Қаҳрамон ҳақида маълумот
Тўлиқ исми Селине Кйле
Тахаллус(лар)и Пейшнс Филипс
Тури инсон
Бўйи 175 см
Вазни 60 кг
Кўз ранги Яшил
Соч ранги Қора
Таваллуд сайёраси Ер
Оилавий аҳволи Батман га турмушга чиқмоқчи
Қобилятлари
  • Ўғрилик бўйича мутахассис
  • Қўл билан жанг қилишда тажрибали
  • Тажрибали гимнаст
  • Ўткир тирноқларга эга
Иттифоқчилари ва душманлари ҳақида маълумот
Гуруҳ ва ташкилотлар Батман оиласи
Адолат Лигаси
Иттифоқчилари Батман
Ҳарлей Қуинн
Поисон Ивй

Тўқима таржимаи ҳоли

Файл:Cатwоман-батман01.жпг
Селина Кайлнинг илк бора "Батман" комиксларида пайдо бўлиши (1940-йил)

Селина Готҳамнинг қашшоқ кварталларидан бирида туғилади. Онаси Селина ва синглиси Меггига э'тиборсиз эди, у кўпроқ ўз мушуклари билан оввора бўлади; Селина олти ёшлигида онаси ўз жонига қасд қилади. Яна олти йилдан кейин пиёниста отаси Браян Кайл ҳам вафот этади. Опа сингилларни турли оилалар ўз қарамоғига олади, улар узоқ йиллар бир-бирларини кўрмайдилар. Охир оқибат Селина меҳрибонлик уйига тушиб қолади. Меҳрибонлик уйининг қаттиққўл директорига ўзига бино қўйган бу қиз ёқмайди, уни доимий равишда калтаклаб, хонасига қамаб қўяди Лекин Селина бўш келмади: у ўзининг гимнастик маҳорати ва кузатувчанлигини ишга солиб, қулфларни очишни ва хавфсизлик тизимларини четлаб ўтишни ўрганди. Аввал у шунчаки томга чиқиб тўкин ҳаёт ҳақида орзу қила бошлади.

Бир куни Селина ўғринча директорнинг хонасига кириб меҳрибонлик уйи учун ажратилаётган пулларнинг директор томонидан талон-торож қилинганлигини билиб қолади. Хавфли гувоҳдан қутулиш мақсадида директор хоним Селинани хушдан кеткизиб, қопга солади-да, океанга улоқтиради. Океаннинг совуқ сувидан сесканиб қиз хушига келади ва ўлимдан сақланиб қолади. У директорнинг сирини очишга таҳдид қилиб муассасада ўзи ҳақида сақланаётган барча қайдларни ўчиртиради, у ерда яшаётган барча қизларни озод қилади. Сўнг ўзи учун энг керакли ва хавфсиз деб билган ҳаётга - ўғрилар ҳаётига талпинади.[1]

Селина Готҳамнинг Эаст-Энд кварталида яшай бошлайди ва Ҳоллй исмли ёш фохишани ўз қарамоғига олиб, унга ўз синглисидек муносабатда бўлади. Ўғриликлар орасида полициядан яшириниш мақсадида ўзини Ҳоллйнинг ҳамкасбидек кўрсатади. Тасодифан у қўлсиз сенсейнинг шогирдлари бўлган ниндзялар гуруҳини учратиб қолади ва бу гуруҳга қўшилишни истайди. У сенсей томонидан шогирдликка қабул қилинган биринчи аёл бўлади. Тез орада ўз "синфидаги" энг маҳоратли шогирдга айланади. Ундан аввалги 1-рақамли шогирд ҳисобланган Кай унга ҳасад қила бошлайди. Кай Селинага ҳужум қилишга уринади лекин бундан ўз юзи учун чандиқлар ортдириб олади, холос. У Селинани "Мушук аёл" дея ҳақоратлайди, ўзига эса Ҳеллҳаунд ("ўзбекча: дўзах ити") лақаби насиб этади. Селина шаҳарда янги пайдо бўлган Кўршапалак одамдан илҳомланиб, ўзи учун янги - "Мушук аёл" костюмини тайёрлайди.[2]

Ўғрилик фаолиятининг аввалги йилларида Селина бой хонадонларга муаммосиз кириб олиш ва у ердан керакли деб ҳисоблаган буюмларини олиб кетиш учун ўзини фохиша қиёфасида кўрсатади. "Биринчи йил"да у 18 ёшли малакали фохиша сифатида тасвирланади. Уэйн ўзининг адолат учун курашувчи биринчи кечасида ҳеч қандай костюмдан фойдаланмайди, у Селинага қўшмачилик қилувчи Стен ва ёшгина Ҳоллй билан жанжаллашиб қолади, Батманга қарши Селина ҳам жанжалга қўшилади. Кейинроқ, бу қаҳрамон Бетмен костюмида ёнаётган омборда полициядан қочганида Селина ва Ҳоллй унинг ҳаракатларини кизатишади, Селина бундан илҳомланиб ўзи учун мушук костюмини яратади ва тўлақонли ўғрига айланади.[3]

Бироз кейинги комиксларда бир неча марта Мушук аёл ва Батман ўртасидаги ишқий муносабатлар кўрсатиб ўтилган. Вақтлар ўтиб Селина ўғрилик ишини ўзгартириб қаҳрамонга айланади. Кейинроқ ма'лум бўлишича, бу қарорга келишига Затанна сабабчи бўлади. Ўз қаҳрамонлиги даврида Мушук аёл жиноятчи Қора ниқобни отишга ва қиз фарзандли бўлишга улгуради. Фарзандининг ҳаёти хавф остида қолишидан қўрқиб уни бошқаларга бериб юборади. Кейинроқ у Затаннадан Ҳелена ва Мушук аёл ҳаёти ҳақидаги хотираларни ўчиришини сўрайди.[4]

Роберт Аспин, Линн Эбби - Мушук аёл / Cатwоман (1992) - роман воқеалари бошқа воқе'ликлар силсиласига та'сир этмагн ҳолда, алоҳида эпизод билан айни муҳитда бўлиб ўтади. Селина Кайл - ишсиз. Батман билан муносабатда бефарқ аммо умумий душманларга эга.

Куч ва салоҳияти

Мушук аёл жуда яхши спорт ва акробатик тайёргарликка эга. Чидамли, эпчил, эгилувчан ва яширина олиш қобилиятларига эга. Уни жанг сан'атига Ёввойи мушук ўргатган. Мушук аёл мушуклар билан узвий алоқага эга, мушуклар уни кўрганларида ўз дўстлари эканлигини тезда англайдилар ва турли ҳолатларда ёрдам ҳам берадилар.

Муқобил версиялар

Флашпоинт воқеалари давомида Селина Оракул тахаллусли қаҳрамон сифатида гавдаланади. У Жокерни ва Харви Дентанинг йўқолган фарзандларини топишда Жамес Гордон ва Батманга (бу силсилада у Брюснинг отаси ҳисобланади) ёрдам беради.[5]

Бошқа оммавий ахборот воситаларида

Батман

Батманнинг қайтиши

Асосий мақола: Батманнинг қайтиши

"Батманнинг қайтиши" филмида Селина Кайлнинг ҳаёти бутунлай бошқача тарзда баён этилади. Энди у Готем кўчаларида улғайган ўғри аёл эмас, Макс Шрекнинг котибаси. У Макснинг жиноий ҳаракатларини сезиб қолади. Қўлига бу ҳақдаги далиллар тушган вақтида Макс уни деразадан итариб юборади. Селина кўчадаги дайди мушуклар томонидан қайта тирилтирилади ва уларнинг айрим қобилиятларини ўзлаштиради. Ўзи учун қора ялтироқ костюм тайёрлайди, қамчи ва тикув машинкасининг игналаридан тайёрланган қўлбола тирноқлар ёрдамида қуролланади. Ўз бошлиғидан ўч олиш мақсадида Готҳам кўчаларида кезади, иккинчи ўриндаги ёвуз қаҳрамонга ва Пингвиннинг шеригига айланади. Мушук аёл Макс Шрекни ўлдириш мақсадида бир қўл билан қучоқлайди ва бошқа қўли билан трансформаторнинг симини ушлайди. Ток уриши оқибатида ўлар ҳолга келади. Филм сўнгида, Готҳам узра Батманнинг Бат-сигнали янграган вақтда Мушук аёл яна томлар устида ўрмалаб юради. Селина комиксларда қора сочли, филмларда асосан сариқ сочли кўринишда гавдаланади.

Мушук аёл

Асосий мақола: Мушук аёл (филм)

""Мушук аёл"" филмида Селинанинг тарихи бутунлай инкор этилган. Энди у оддий косметик дизайнер Пейшнс Филлипс кўринишида гавдалантирилади. У иш берувчилари томонидан тақдим этилаётган кремнинг сирини билиб қолади ва ўлдирилади. Уни Яримтун лақабли мау зотли уй мушуги бошчилик қилувчи мушуклар тўдаси қайта тирилтиришади. Аввал у фақат кечалари ўзини мушуклардек тутади, кейинроқ ўзининг қобилиятларидан фойдаланиб тунги супер қаҳрамонга айланади. Унинг костюми қора чарм сийнабанд, қора шим, учи очиқ қора туфли, олмос тирноқлар билан безалган қора қўлқоп ва мушук ниқобидан таркиб топади. Филм сюжетига кўра Пейшнс ягона Мушук аёл ҳисобланмайди, унинг ўтмишдошлари Қадимги Миср давридан буён қаҳрамонликлар кўрсатишган бўлади. Филм давомида Пейшнс полициячи Том Лоун билан ишқий муносабатда бўлади.

Қора Рицар

Асосий мақола: Қора Рицар (филм)

Қора Рицар: Афсонанинг қайтиши

Асосий мақола: Қора Рицар: Афсонанинг қайтиши

Тасвирга олиш ишлари ва кастинг

"Мушук аёл" роли учун Кристофер Нолан ўз рўйхатига Кира Найтли, Жессика Бил, Кейт Мара каби актрисаларни киритган. Аммо бу ролга Энн Ҳетеуэй тасдиқланган.[6] Суратга олиш ишларида қатнашган Энн Ҳетеуэй бу ролнинг жисмоний жиҳатдан ўта мушкул кечаётгани айниқса актриса учун махсус тайёрланган Мушук аёл костюмини кийиш қийин эканлиги ҳақида гапириб ўтади[7]. Актриса ролга тўлақонли мослашиш учун ҳафтада беш кун машқлар бажаради: кунига 4 соат давомида жисмоний машқлар ва турли трюкларни ва яна бир ярим соат рақс ҳаракатларини ўрганиб боради[8].

Сюжетдаги рол

Бу филмда Селина Кайл антиқаҳрамон сифатида гавдаланади. Унинг ўтмиши очиб берилмайди лекин филм воқеалари давомида аниқ бўлишича у ўғрилик билан кўпдан бери шуғулланади. Уни порахўр бизнесмен Жон Даггет Брюс Уэйннинг бармоқ изларини ўғрилаш учун ёллайди, бунинг эвазига у Селинага барча ма'лумотлар базаларидан у ҳақдаги ма'лумотларни ўчириб юборадиган "Доғсиз саҳифа" дастурини ва'да қилади. Селина бу ишни уддалайди, қўшимчасига у Уэйннинг марҳума онасига тегишли бўлган марварид тақинчоқни ҳам ўғирлайди. Уэйн ўғриликни сезиб қолади ва ўғрини қўлга туширади аммо у қочиб қолади. Мушук аёл бармоқ изларни Даггетнинг одамларига топширади, улар Селинани йўқотмоқчи бўладилар лекин у айёрлик билан пистирмадан қутулиб қолади. Селина ўзига ва'да қилинган дастурни олиш мақсадида (аслида энди бу дастурнинг борлигига шубҳа қила бошлайди) Даггетнинг уйига кириб унга ҳужум қилади аммо унга Бейннинг одамлари ташланиб қолишади. Қайта Батманга айланган Брюс қизга ёрдам беради ва унга Бейннинг қароргоҳини кўрсатиши эвазига "Доғсиз саҳифа"ни таклиф этади. Қиз рози бўлади аммо бу пистирма бўлиб чиқади: ёвуз қаҳрамон қизга таҳдид қилади ва қиз Батманни алдаб Бейнга асир тушишига сабабчи бўлади. Беш ой ўтиб Батман яна Бейн томонидан босиб олинган Готҳамга қайтади ва яна Мушук аёлнинг адолат тарафида эканлигига умид қилган ҳолда унга шерикликни таклиф қилади. Батман унга ичида "Доғсиз саҳифа" дастури бўлган флешкани тақдим қилади ва шаҳарни Соялар Лигасидан озод қилишда ёрдам беришини сўрайди. Бунинг учун Батман Селинага Батподни беради ва ўзи Бат учиш қурилмасидан фойдаланади. Мушук аёл Батманга Соялар Лигаси қўшинидан қутулишига кўмак беради ва Бетподнинг ўқотар қуролидан Бейнни отиб Батманнинг ҳаётини сақлаб қолади. Филм сўнгида Брюс Бейннинг бомбасини ўзи билан олиб кетиши олдидан Селина Брюсга бўса ҳадя этиб, унга бўлган ўз ҳисларини билдиради. Портлаш билан ўз ўлими воқеасини уюштирган Брюс жиноятчилик билан курашини якунлайди ва Селина билан Европага бориб бирга яшай бошлашади. Филм давомида Селинани бир марта ҳам Мушук аёл деб аташмайди (бу исм фақат рўзномаларда учрайди). Аммо у филм билан боғлиқ турли молларда Мушук аёл дея аталади. Унинг кўз ниқобига сканер-кўзойнак ҳам илова қилинган. Бу буюм фойдаланилмаган вақтда бош устида туриб, мушук қулоқларини эслатади. Қамчи ўрнига Селина пистолет ва этигидаги ўткир пошналар билан қуролланган. Селинанинг характерида ҳам айрим ўзгаришлар бор: у керак деб билган вақтида инсонларни осон ўлдира олади.

Батман Суперманга қарши

Асосий мақола: Батман в Суперман: Даwн оф Жустиcе

Зак Снайдернинг филмида айрим ўринларда Мушук аёлга ишоралар бор: Брюс Уэйн ма'лумотлар омборрини ўғирлаётган Диана Приcени қўлга туширган вақтда "Сенга ўхшаганларни учратганман" деб айтади. Бу ДC Кенгайтирилган Коинотида Селина Кйленинг борлигига ишорадир.

Готҳамлик Селина

Телевидения

"Готҳам" телевизион сериалида Селина ролини ёш актриса ва раққоса Камрен Бикондова ижро этган. Сериал воқеалари асосан Брюснинг ота-онаси вафот этган даврларга тўғри келгани учун бу ерда Селина 13 ёшда акс этади. У кўчада яшаб, озиқ-овқати учун майда ўғриликларга қўл уриб туради. Wайне'ларнинг ўлдирилишига гувоҳ бўлади ва буни Гордонга айтиш эвазига болалар қамоқхонасидан озод бўлади.

Анимацион филмлар

Батман: Биринчи йил

Асосий мақола: Батман: Биринчи йил (мултфилм)

ДC пешлавҳаси: Мушук аёл

Асосий мақола: ДC пешлавҳаси: Мушук аёл

Мушук аёлга бағишланган қисқа метражли филм.

Лего филм: Батман

Асосий мақола: Тҳе Лего Батман Мовиэ

2014-йил яратилган "Тҳе Лего Мовиэ" мултфилмининг комедияли спин-оффи. Мушук аёл бу филмда ёвуз қаҳрамонлар гуруҳида бўлади. Фимда Мушук аёлга Зои Кравиц овоз берган.

  • "Батман: Ниқобли рицарларнинг қайтиши" мултфилмида асосий ёвуз қаҳрамонлардан бири бўлади.

Видеоўйинлар

Мушук аёл Батман ҳақидаги кўплаб компютер ўйинларида иштирок этади. Айрим ўйинларда у бош қаҳрамоннинг рақиби, айримларида эса иттифоқчиси сифатида қатнашади.

Манбалар

  1. ↑ Cатwоман Вол.1 #00
  2. ↑ Cатwоман Вол.1 Аннуал #02 (1995)
  3. ↑ Батман #404-407
  4. ↑ Cатwоман Вол.2 #49-52, 62, 71-72
  5. ↑ Флашпоинт: Батман: Книгҳт оф Венгеанcе 2: Парт Тwо
  6. ↑ Женсен, Жефф „'Тҳе Дарк Книгҳт Рисес' сcооп: Анне Ҳатҳаwай, Том Ҳардй жоин cаст“. Энтертаинмент Wеэклй (19-январ 2011-йил). 2012-йил 4-мартда асл нусхадан архивланган. Қаралди: 2018-йил 9-октябр.
  7. ↑ Форд, Ребеccа „Анне Ҳатҳаwай: 5 Тҳингс то Кноw Абоут тҳе Неw Cатwоман“. Тҳе Ҳоллйwоод Репортер (5-август 2011-йил). 2012-йил 7-майда асл нусхадан архивланган.
  8. ↑ „Анне Ҳатҳаwай'с Неw Wорлд: Тҳе Интервиэw“. Ҳарпер’с Базаар (27-июн 2011-йил). 2012-йил 7-майда асл нусхадан архивланган.

Ҳаволалар

"https://new.ziyosfera.uz/ziyo/Mushuk_ayol" dan olindi