Mustafo Madboʻliy
Mustafo Kamol Madbuliy (arabcha: مصطفى كمال مدبولي; 1966-yil 28-aprelda tugʻilgan) — misrlik siyosatchi. 2018-yildan beri Misrning 54-Bosh vaziri lavozimida ishlab kelmoqda[1]. Prezident Abdulfattoh as-Sisiy uni Sharif Ismoil oʻrniga tayinlagan[2][3].
| Mustafo Madbuliy | |
|---|---|
.jpg) Rasmiy portret (2018-yil) | |
| 54-Misr Bosh vaziri | |
|
Mansab davri 2018-yil 14-iyundan Vazifasini bajaruvchi: 2018-yil 7-iyun – 2018-yil 14-iyun | |
| Prezident | Abdulfattoh as-Sisiy |
| Oʻtmishdoshi | Sharif Ismoil |
| Uy-joy, kommunal xoʻjalik va shahar jamoalari vaziri | |
|
Mansab davri 2014-yil 1-martdan – 2019-yil 14-fevralgacha | |
| Hukumat boshligʻi |
Ibrohim Mahlab Sharif Ismoil Oʻzi |
| Oʻtmishdoshi | Ibrohim Mahlab |
| Vorisi | Assem al-Gazzor |
| Shaxsiy maʼlumotlari | |
| Tavalludi |
1966-yil 28-aprel Sohag, Misr |
| Fuqaroligi | Misr |
| Siyosiy partiyasi | Partiyasiz |
Dastlab Mustafo Madbuliy Ismoil hukumatida Uy-joy ishlari vazirligida faoliyat yuritgan. Shuningdek, qisqa muddat davomida Bosh vazir vazifasini ham bajargan[4][5].
Taʼlimi
Madbuliy Qohira universitetini tamomlagan[6]. U 1988-yilda shu universitetning muhandislik fakultetida magistrlik, 1997-yilda esa PhD (falsafa doktori) ilmiy darajasini olgan.
Faoliyati
Madbuliy Qohira universitetini tamomlab[7],1988 va 1997-yillarda muhandislik fakultetidan magistrlik va falsafa doktori (PhD) darajalarini olgan.
Uy-joy va qurilish milliy tadqiqot markazi
Madbuliy oʻz faoliyatini hukumatga qarashli Uy-joy va qurilish milliy tadqiqot markazida (HBRC) boshlagan va keyinchalik ushbu markazdagi Malaka oshirish va shaharshunoslik instituti direktori etib tayinlangan.
Hududiy rejalashtirish bosh tashkiloti
2009-yil sentyabrdan 2011-yil noyabrgacha Madbuliy Uy-joy vazirligi huzuridagi shaharsozlik idorasi — Hududiy rejalashtirish bosh tashkiloti (GOPP) raisi lavozimida ishlagan.
BMT Aholi punktlari dasturi
2012-yil noyabrdan 2014-yil fevralgacha u Birlashgan Millatlar Tashkilotining aholi punktlari boʻyicha dasturida arab mamlakatlari boʻyicha mintaqaviy direktor boʻlib faoliyat yuritgan.[8]
Uy-joy vaziri
2014-yil mart oyida Ibrohim Mahlab Bosh vazir lavozimiga oʻtganidan soʻng, Madbuliy uning oʻrniga Uy-joy, kommunal xoʻjalik va shaharsozlik vaziri etib tayinlandi. 2015-yil sentyabr oyida Sherif Ismoil Bosh vazir etib tayinlanganidan keyin ham Madbuliy oʻz lavozimida qoladi. Vazirlik davrida u „Ijtimoiy uy-joy“ („Millionta xonadon“ nomi bilan ham tanilgan) loyihasiga rahbarlik qiladi[9].
Madbuliy vazir sifatida vazirlik huzuridagi bir qator tashkilotlarga, jumladan, Misrning eng yirik koʻchmas mulk quruvchisi hamda „Yangi shaharlar“ dasturi maʼmuri hisoblangan Yangi shahar jamoalari boshqarmasiga (NUCA) ham raislik qiladi. U yerda Yangi maʼmuriy poytaxt kabi yirik loyihalarga boshchilik qiladi.
Bosh vazir vazifasini bajaruvchi
2017-yil noyabr oyida Sherif Ismoil davolanish uchun Germaniyaga joʻnab ketganidan soʻng, Madbuliy Bosh vazir vazifasini bajaruvchi etib tayinlandi[10].
Bosh vazir
Madbuliy 2018-yil 7-iyunda Bosh vazir vazifasini bajaruvchisi boʻladi. Uning hukumati 2018-yil 14-iyunda qasamyod qiladi[11]. Birinchi Madbuliy hukumati 2024-yil 3-iyulda tarqatilib, oʻrniga ikkinchi Madbuliy hukumati tuziladi[12]. 2026-yil 10-fevralda Misr parlamenti hukumat tarkibidagi oʻzgarishlarni maʼqullaydi. Madbuliy Bosh vazir lavozimida qoladi[13].
Manbalar
- ↑ „Mostafa Madbouly“ (en). AmCham Egypt.
- ↑ „السيرة الذاتية لرئيس وزراء مصر الجديد في سطور | صوت الأمة“ (ar). 2019-yil 8-iyunda asl nusxadan arxivlangan.
- ↑ „السيرة الذاتية للدكتور مصطفى مدبولى وزير الاسكان الجديد في حكومة محلب“ (ar). الأهرام العربي. 2018-yil 14-iyunda asl nusxadan arxivlangan.
- ↑ „El Sisi appoints Mostafa Madbouly, former housing minister, as new prime minister“ (en). Nile International. 2018-yil 12-iyunda asl nusxadan arxivlangan.
- ↑ „Knowing Egypt's new PM, Moustafa Madbouly“ (en). Egypt Today.
- ↑ „Mostafa Madbouly, Arab Republic of Egypt: Profile and Biography“ (en). Bloomberg.com.
- ↑ [6]
- ↑ „Knowing Egypt's new PM, Moustafa Madbouly“ (en). Egypt Today (2018-yil 7-iyun).
- ↑ Million uy-joy loyihasi Prezident as-Sisiy hokimiyatga kelganidan soʻng boshlangan yirik milliy loyihalardan biri boʻldi. Ammo loyiha gʻoyasini 2011-yilda sobiq Uy-joy vaziri Muhammad Fathiy al-Baradeiy taklif qilgan. Siyosiy va ijtimoiy sabablarga koʻra loyiha „Musulmon birodarlar“ davrida toʻxtab qolgan, Madbuliy vazir boʻlgach qayta jonlangan.
- ↑ „Housing min. named acting prime minister“ (en). Egypt Today (2017-yil 23-noyabr).
- ↑ „First Madbouly Cabinet“ (en). Wikipedia.
- ↑ „First Madbouly Cabinet“ (en). Wikipedia.
- ↑ {{Cite web |date=2026-02-10 |title=Egyptian Parliament approves Cabinet reshuffle, retains Madbouly as Prime Minister |url=https://arabfinance.com/en/news/newdetails/egyptian-parliament-approves-cabinet-reshuffle-and-retains-mad