Mutsuzava
Муцузава (японча: 睦沢町, Муцузава-мачи) Япониянинг Чиба префектурасида жойлашган шаҳарчадир. 2020-йил 1-декабр ҳолатига кўра, шаҳарда 2796 та хонадонда 6928 нафар аҳоли истиқомат қилади[1] ва аҳоли зичлиги 1 км² га 190 кишидан тўғри келади. Шаҳарнинг умумий майдони 35,59 квадрат километр (13,74 ми²) ни ташкил этади.
Муцузава 睦沢町 | |
|---|---|
| Шаҳарча | |
 | |
 Байроқ  Герб | |
| Мамлакат | Япония |
| {{{минтақа_тури}}} | Канто вилояти |
| Майдон | 35.59 км2 (13.74 кв ми) |
| Расмий тил(лар)и | япон |
| Аҳолиси (2020 10-ноябр) |
6 928 |
| Зичлиги | 190 киши/км2 |
| Вақт минтақаси | УТC+9:00 |
| Телефон коди | 0475-44-1111 |
Географияси
Босо ярим оролининг марказини ажратиб турувчи тоғли ҳудудда ўрнашган Муцузава унчалик текис ерларга эга эмас. Шаҳар асосан дўнглик, баъзан тик тепаликлардан иборат. Шаҳар Чиба префектурасининг жануби-шарқий қисмида, префектура пойтахти Чибадан тахминан 30 километр узоқликда ва Токио марказидан 60-70 километр узоқликда жойлашган. Ҳудуд Канто текислигида жойлашган бўлиб, ғарбдан шарққа 2 метрдан 168 метргача узунликка чўзилган. Шаҳарнинг марказий қисмидан Ҳабу, Мизусава ва Чоракудзи дарёлари оқиб ўтади ҳамда шимоли-шарқдаги Ичиномия дарёсига бориб қўшилади.
Қўшни муниципалитетлар
Чиба префектураси
Иқлими
Муцузава нам субтропик иқлимга эга (Кöппен Cфа), ёзи иссиқ ва қиши салқин, қор ёғмайди. Муцузавада ўртача йиллик ҳарорат 15,3 °C ни тасгкил этади. Йиллик ўртача ёғин миқдори 1745 мм бўлиб, сентябр эса энг серёғин ой ҳисобланади. Августда энг юқори ҳарорат 25,9 °C, энг паст ҳарорати эса январда, 5,7 °C атрофида бўлади[2].
Демографияси
Япония аҳолини рўйхатга олиш маълумотларига кўра[3], Муцузава аҳолиси сони сўнгги 40 йил ичида барқарор бўлиб қолган.
| Йил | Аҳоли | ±% |
|---|---|---|
| 1950 | 9,362 | — |
| 1960 | 8,152 | −12.9% |
| 1970 | 6,259 | −23.2% |
| 1980 | 7,068 | +12.9% |
| 1990 | 7,956 | +12.6% |
| 2000 | 8,244 | +3.6% |
| 2010 | 7,341 | −11.0% |
Тарихи
Муцузава қадимги Казуса провинсиясининг бир қисми бўлиб, қадим замонлардан бери ривожланиб келган ва Кофун даврига оид бир нечта мозорларга эга. Мёраку-жи, Ҳеиан даврида қурилган ибодатхонада Япониянинг муҳим маданий обектларидан бири сифатида эътироф этилган Даиничи Нёрайнинг ёғоч ҳайкали ўрнатилган. Эдо даврида Муцузава Отаки доменининг бир қисми бўлган. Цучимуцу ва Мизусава қишлоқлари 1889-йил 1-апрелда замонавий муниципалитетлар тизимини яратиш билан ташкил этилган. Икки қишлоқ 1955-йил 11-февралда Чонан шаҳрининг бир қисми билан бирлашиб, Муцузава қишлоғини барпо этган. 1983-йил 1-апрелда у шаҳарча мақомига кўтарилди.
Ҳукумат
Муцузава тўғридан-тўғри сайланадиган мер ҳамда 15 аъзодан иборат бир палатали шаҳар кенгашига эга бўлган мер-кенгаш бошқарув шаклига эга. Чосеи туманидаги бошқа муниципалитетлар билан биргаликда Муцузавада ҳам Чиба префектураси ассамблеясига битта аъзони қўшиш ҳуқуқи мавжуд. Миллий сиёсат нуқтаи назаридан, шаҳар Япония Диэт қуйи палатасининг Чиба 11-округи таркибига киради.
Иқтисодиёти
Муцузаванинг қишлоқ хўжалиги раёнларида гуруч ва сут етиштирилади. Шаҳар, шунингдек, Минами Канто газ конида жойлашган бўлиб, табиий газ қазиб олиш маҳаллий иқтисодиётга ҳисса қўшади.
Таълим тизими
Муцузавада битта давлат бошланғич мактаби ва шаҳар ҳукумати томонидан бошқариладиган битта давлат ўрта мактаби фаолият юритади. Шаҳарда давлат юқори мактаби мавжуд эмас.
Транспорт
Темир йўл
Муцузавада йўловчи темир йўл хизмати мавжуд эмас.
Магистрал йўл
Шаҳар ҳеч қандай миллий магистрал йўлларида жойлашмаган.
- Чиба префектураси йўли 148
- Чиба префектураси йўли 150
- Чиба префектураси йўли 151
Галерея
Манбалар
Ҳаволалар
 |
Викиомборда „Муцузава“ мавзуси бўйича медиафайллар бор. |
- Расмий веб -сайт (японча)