Muxatov Veli

Мухатов Вели (Велимуҳаммад) [1916.22.4 (5.5), ҳозирги Ашхобод тумани] — туркман композитори, миллий композиторлик мактаби асосчиларидан. Москва консерваториясини тугатган (1951). Туркманистон композиторлар уюшмаси раиси (1954—59). Ашхобод консерваториясини профессор (1987). Ижодида туркман халқ мусиқа меросига хос куй-оҳанглардан кенг фойдаланиб, уларни профессионал маҳорат билан замонавий ифода воситалари ёрдамида қайта ишлаган. "Туркманча сюита" (1950), "Менинг Ватаним" симфоник поэмаси (1951), "Маҳтумқули хотирасига" симфонияси (1974), "Қонли айиргич ниҳояси" операси (1967) каби йирик асарлар, шунингдек, халқ чол-ғулари оркестри учун поэма, қўшиқ ва романслар, бадиий ва ҳужжатли филмлар учун мусиқалар яратган. Маҳтумқули номидаги Туркманистон Давлат мукофоти совриндори (1972).