Nabis

Набис (Набис) (? — милоддан аввалги 192) -Спарта ҳукмдори (тирани) (милоддан аввалги 207—192). Еврипонтийлар шоҳ хонадонига мансуб бўлган. Бир қанча қатъий тадбирларни амалга оширган: бир қисм мулкдорларни қувғин қилган, айримларини қатл этган; йирик ер эгаларининг ерларини мусодара қилиб, гражданлик таркибига киритилган ерсиз спартиатлар ва илотларга бўлиб берган. Н. даврида Спарта қўшини кучайган, Аргос босиб олиниб, у ерда ҳам шу ислоҳотлар ўтказилган. Бутун Пелопоннес бўйича туб ислоҳотлар ўтказилиши хавфи Н.га карши Ахей иттифоқинмнг уруш бошлашига сабаб бўлган. Иттифоқчиларга ёрдамга Рим армияси ҳам етиб келган. 195 йил тузилган сулҳга кўра, Н. ҳокимияти фақат Спарта ҳудуди билан чеклаб қўйилган. Н.нинг кайтадан уруш қилиши унинг ҳам қуруқликда, ҳам денгизда мағлубиятга учраши билан тугаган. Н. хоинона ўлдирилиб, Спарта Ахей иттифоқига қўшиб олинган.