Najohiylar

Нажоҳийлар (1022-1158) — Яманда ҳукмронлик қилган сулола. Пойтахти — Забид. Пул бирлиги — динор. Дин — Сунний Ислом.

Тарихи

Ҳабашистонлик (Эфиопиялик) озод қилинган қул-ғуломлардан келиб чиққан. Су­лола асосчиси — ҳабашларнинг жазал қабиласидан бўлган Муайяд Носириддин Нажоҳ (1022-1060). Зиёдийлар таназзулга учра­ган пайтда, Забидда мустаҳкам ўрнашиб олди. Ҳудуд талашиб Сулайҳийлар билан уруш олиб борган.1060-йили Али ибн Муҳаммад Сулайҳий Нажоҳни ўлдириб, Забидни эгаллади ва Нажоҳнинг 4 ўғлини қувиб юборди. Улардан иккитаси Даҳлакда вафот этади. 1060-1081-йилларда Забидни Сулайҳийлар эгаллаб туришган. 1081-йили Саид ибн Нажоҳ Забидни эгаллади. Лекин 1083-1086-йилларда Сулайҳийлар Забидни қайтадан истило қилишди. Фатик ИИ ибн Мансур (1124-1137) даврига келиб Яманда Маҳдийлар ҳаракати бош кўтарди. Тахминан 1150-йили улар нажоҳийларга қарши қўзғолон кўтаришди. Забид аҳолиси Зайдийлардан ёрдам сўрайди. 1158-йили Фатик ИИИ Зайдийлар томонидан тахтдан ағдарилиб, қатл этилган ва Нажоҳийлар сулоласи тугади. Забид шаҳрини 1159-йили Маҳдийлар эгаллаб олишди.

Ҳукмдорлар рўйхати

Нажоҳий ҳукмдорлар

Т/р	Ҳукмдорлар	Ҳукмронлик йиллари
1	Муайяд Носириддин Нажоҳ	1022-1060

1060-1081-йилларда Забидни Сулайҳийлар эгаллаб туришган.

2

Саид ибн Нажоҳ

1081-1083

1083-1086-йилларда Сулайҳийлар Забидни қайтадан истило қилишди.

3	Саид ибн Нажоҳ	1086-1089
4	Жайёш ибн Нажоҳ	1089-1107
5	Фатик И ибн Жайёш	1107-1109
6	Мансур ибн Фатик И	1109-1124
7	Фатик ИИ ибн Мансур	1124-1137
8	Фатик ИИИ ибн Муҳаммад	1137-1158

Яна қаранг

Яман
Зайдийлар
Сулайҳийлар