Narx pariteti

Нарх паритети — бир товар нархининг бошқа товар нархига нисбати. Нарх паритети бир товарнинг бошқа товарга қандай миқдорда тенглашувини, бир товарни сотишдан тушган пулга қанча бошқа товар берилишини билдиради. Нарх паритети ўзгариши бозор ҳолатига боглиқ бўлганида унга талаб-таклиф нисбати, ҳаражатлар, нарх билан рақобатлашув таъсир этади. Давлат нархнинг ортиши ёки пасайишини чеклаб қўйганда бу бозор ҳолатидан келиб чиқмаганлиги сабабли Нарх паритетида сунъий силжиш рўй беради. Нарх паритети ўзгаришига инфлясия таъсир этади. Иқтисодиёт учун энг мақбули Нарх паритетининг бозор ҳолатига қараб ўзгаришидир, чунки бу талаб ва таклифнинг ўзгаришини, бозор нимани талаб қилишини, нимани ишлаб чиқариш нафли бўлишини билдиради.