Nataliya Androsova
Наталя Николаевна Андросова, қизлик фамилияси Наталя Александровна Искандер-Фурманова (10-феврал 1917-йил, Тошкент, Туркистон вилояти, Россия империяси – 1999-йил 25 июл, Москва, Россия) – император Николай И нинг невараси. 1980-йилдан 1999-йилгача Романовлар оила а'золари уюшмаси аъзоси[1].
| Наталия Андросова | |
|---|---|
| Файл:Наталия Андросова.жпг | |
| Таваллуди |
1917-йил 10-феврал |
| Вафоти |
1999-йил 25-июл (82 ёш) Москва, Россия |
| Фуқаролиги |
 СССР,  Россия |
| Касби | сирк артисти |
| Турмуш ўртоғи | Николай Владимирович Достал |
| Отаси | Александр Николаевич Искандер |
| Онаси | Олга Иосифовна Роговская |
Биографияси
Наталянинг отаси княз Александр Искандер (Буюк Герцог Николай Константинович ва Надежда Александровна Дреернинг ўғли). Онаси Олга Иосифовна Роговская (1893–1962).
Наталя княз Александр Искандернинг кенжа қизи бўлиб, 1917-йил 10-февралда Тошкентда таваллуд топган. Унинг чўқинтириш маросимида бобоси, Буюк княз Николай Константинович қатнашган.
Николай Константинович оиласини Тошкентга олиб кетган, у ерга 1918-йилда княз Александр Николаевич ҳам келган, аммо бу вақтга келиб унинг отаси буюк кнйз Николай ҳаётдан кўз юмган эди. Александр Николаевич 1919-йил январгача шаҳар судида хизмат қилган ва 19-январда шаҳарда бошланган Осипов исёнига қўшилган. Сўнгра офицерлар отряди билан Қримга йўл олган ва у ерда Оқ Армия сафига қўшилган[2].
Онаси Олга Иосифовна 1924-йилда мас’ул молия ходими Николай Николаевич Андросовга турмушга чиққан (1936-йилда вафот этган) ва Москвага кўчиб ўтган. Ўгай ота болаларни паспортга ўз фарзандларидек киритган, шундан сўнг болалар унинг исми ва Андросов фамилиясини олганлар. Бу эса буюк князлик келиб чиқиши изларини ўчириб ташлаган. Оила Москвада Плюшихадаги квартирада яшаган ва Наталя (Таля) тўртинчи синфгача собиқ гимназияда ўқиган.
Андросовлар оиласи 1929-йилда Арбатдаги 30-уйдаги подвалга кўчиб ўтган, у ерда Таля 1970-йилгача яшаган.
Ўгай отасининг вафотидан кейин оиласи камбағал бўлиб яшаган. Онаси машинист бўлиб ишлаган. Таля атиги еттита синфни тугатган. У баъзан чизмачи, баъзан ҳисобчи бўлиб ишлаган. Техникумда ўқишни иложи бўлмаган.
Наталя Николаевна 1930-йиллардан бошлаб мотоцикл клубига аъзо бўлиб, спорт томошаларида қатнашган[3].
Наталя 1998-йил 17-июлда Санкт-Петербургда император Николай ИИ, унинг оиласи ва хизматкорларининг қолдиқларини қайта дафн этиш маросимида иштирок этган[4].
Андросова 1999-йил 25-июлда Москвада инсултдан вафот этган. Унинг қолдиқлари куйдирилиб, акаси ва онасининг қабрларидан унчалик узоқ бўлмаган Ваганковский қабристонига[5] дафн этилган.
Манбалар
- ↑ „Андросова Наталья Николаевна (Искандер)“. Қаралди: 2023-йил 25-ноябр.
- ↑ „Наталья Андросова“. Қаралди: 2023-йил 25-ноябр.
- ↑ „Мотогонщица Таля из рода Романовых. Бесстрашный характер / Православие.Ру“. 2018-йил 27-январда асл нусхадан архивланган. Қаралди: 2018-йил 26-январ.
- ↑ Юрий Ростиславович Канский. Единственная из Романовых. (русский) // Бизнес-Класс : журнал. — 2018. — Февраль (№ 1 (140)). — С. 42—49. — ИССН 1691-0362.
- ↑ „Могила Н. Н. Андросовой“. 2017-йил 2-майда асл нусхадан архивланган. Қаралди: 2017-йил 14-апрел.