Natalya Bardo
 | Бу мақола ўзбек тилининг имло қоидаларига мувофиқ ёзилмаган. Қаранг: ВП:ОРФО. (2024-12) |
Наталя Сергеевна Бардо (Кривозуб; 1988-йил 5-апрел, Москва) – рус театр ва кино актрисаси, модел, қўшиқчи ва телебошловчи.
Наталя Бардо Ната́лья Серге́евна Бардо́ | |
|---|---|
| Таваллуди |
Наталья Сергеевна Кривозуб 5-апрел 1988-йил |
| Касби | Актриса, қўшиқчи, модел, телебошловчи |
| Фаолият йиллари | 2006-ҳозиргача |
| Фуқаролиги |
 СССР -  Россия |
| Веб-сайт | ҳттп://бардоната.cом/ |
Таржимаи ҳол
Наталя Кривозуб (2010-йилдан – Бардо) 1988-йил 5-апрелда Москвада туғилган[1]. Отаси Сергей Иванович Кривозуб – совет енгил атлетикачиси, 1973-йилда Дуйсбургда (ГФР) ўтказилган ўсмирлар ўртасидаги Европа чемпионатида лангар билан сакраш бўйича ғолиб бўлган. Онаси хусусий тадбиркорлик билан шуғулланган. Ота-онаси Наталя ҳали кичкина пайтида ажрашишган. У онаси тарбиясида ўсган. 2010-йилда Наталя Кривозуб фамилиясини онасининг фамилияси – Бардога ўзгартирган. Актрисанинг айтишича, унинг она томонидан бувисининг бувиси Франсияда яшаган ва парфюмер Франсиско Бардога турмушга чиққан[2].
Мактаб даврида у санъат мактабига қатнаган, баскетбол, балет ва бадиий гимнастика билан шуғулланган. Болалар мусиқа мактабида фортепиано синфида таҳсил олган. У вокал билан ҳам шуғулланади.
„Москва банк институти“ хусусий олий ўқув юрти қошидаги Москва банк иқтисодиёт коллежини (МБЕК) „Банк иши“ мутахассислиги бўйича тамомлаган. Бундан ташқари, у моделлик бизнеси ва актёрлик мактабини ҳам битирган. 2012-йилда Борис Шукин номидаги Театр институтининг қўшимча таълим бўлимини „Актёрлик маҳорати“ йўналиши бўйича тугатган (бадиий раҳбари – доцент Михаил Малиновский).
Ўн саккиз ёшида биринчи марта кинода суратга тушди. У режиссёр Наталя Бондарчукнинг „Пушкин. Охирги дуэл“ (2006) номли драматик бадиий филмида Лиза ролини ижро этди.
2015-йилнинг ёзида Марат Башаров билан ҳамкорликда „Биринчи канал“да „Жаноб ва Хоним ОАВ“ номли кўнгилочар телекўрсатувни олиб борган[3][4][5][6].
Манбалар
- ↑ „Яндекс“ (ру). www.кинопоиск.ру. Қаралди: 2024-йил 18-октябр.[сайт ишламайди]
- ↑ „Наталья Бардо. Биография, фильмография, фотографии, новости“. Сайт «Вокруг ТВ» // вокруг.тв. 2016-йил 30-октябрда асл нусхадан архивланган. Қаралди: 2016-йил 29-октябр.
- ↑ Ирина Петровская. „Мистер и миссис СМИ начинают и заканчивают. — Политический юмор на ТВ проигрывает творцам и участникам серьёзных шоу“. «Новая газета» // новаягазета.ру (2015-йил 25-июн). 2016-йил 31-майда асл нусхадан архивланган. Қаралди: 2016-йил 29-октябр.
- ↑ „«Мистер и миссис СМИ»: Марат Башаров и Наташа Бардо представят картину дня“ (эн). Вокруг.ТВ (2024-йил 18-октябр). Қаралди: 2024-йил 18-октябр.
- ↑ Ольга Сабурова. „«Мистер и миссис СМИ»: разочарование неумелых потуг“. Газета «Собеседник» // собеседник.ру (2015-йил 10-июн). 2016-йил 30-ноябрда асл нусхадан архивланган. Қаралди: 2016-йил 29-октябр.
- ↑ Александр Мельман. „Лёгкий жанр. — Теленеделя с Александром Мельманом“. Газета «Московский комсомолец» // мк.ру (2015-йил 18-июн). 2017-йил 8-мартда асл нусхадан архивланган. Қаралди: 2016-йил 29-октябр.