Natalya Gojeva
Наталя Анатолевна Гожева (1949-йил 23-август, Тошкент, Ўзбекистон ССР, СССР) совет ва рус санъацҳуноси, шарқшунос, тарихчи, Жануби-Шарқий Осиё маданияти бўйича мутахассис. Санъат тарихи фанлари номзоди. Буюк рус энсиклопедиясининг муаллифларидан бири[1].
| Наталя Гожева | |
|---|---|
| Таваллуди |
23-август 1949-йил Тошкент, СССР |
| Фуқаролиги |
 СССР  Россия |
| Иш жойлари | Шарқ давлат музейи |
Биографияси
Наталя Тошкент шаҳрида муҳандис оиласида таваллуд топган. Отаси Анатолий Георгиевич Малцев нефт ускуналари бўйича мутахассис, онаси Изабелла Михайловна Малцева (Давидович) муҳандис-технолог. 1952-йилда Наталянинг оиласи Самара вилоятига кўчиб ўтди. Наталя Анатолевна 1966-йилда ўрта мактабни кумуш медал билан ва бир вақтнинг ўзида Новокуйбишевскдаги (Самара вилояти) болалар мусиқа мактабини скрипка синфини тамомлади. Гожева 1970-йилда Куйбишевский номидаги мусиқа коллежини торли чолғу асбоблари ва скрипка ўқитувчиси мутахассислиги бўйича имтиёзли диплом билан тамомлади. 1971–1976-йилларда М. В. Ломоносов номидаги Москва давлат университетининг тарих факултети санъат тарихи ва назарияси, санъацҳунослик мутахассислиги бўйича тамомлаган. 2005-йилда Россия Бадиий академияси Тасвирий санъат назарияси ва тарихи илмий-тадқиқот институтида санъацҳунослик фанлари номзоди илмий унвони учун „Буддийский канон в традиционном искусстве Лаоса“[2] диссертациясини ҳимоя қилди.
Наталя меҳнат фаолиятини 1968-йилда Новокуйбишевскда, сўнгра Москва нефтни қайта ишлаш заводининг Москва маданият саройида скрипка ўқитувчиси сифатида бошлаган. 1974-йилдан бошлаб Узоқ Шарқ, Жануби-Шарқий Осиё, Шарқий Осиё ва Океания халқлари санъатида, Шарқ халқлари санъати давлат музейида дастлаб гид, сўнгра Жануби-Шарқий Осиё бўлимида (кейинчалик секторда) илмий ходим бўлиб ишлаган ва 1996–2013-йилларда унга раҳбарлик қилган, ҳозирда бўлимда бош илмий ходим бўлиб фаолият олиб бормоқда. Наталя Анатолевна Гожева Россия Федерацияси Маданият вазирлигининг Жануби-Шарқий Осиёнинг маданий қадриятлари бўйича эксперти бўлиб фаолият олиб борган[3]. 1992–2000-йилларда Москвадаги 1158-сонли умумтаълим мактабида жаҳон бадиий маданиятидан дарс берган. Гожева 1998-йилда Москва таълим қўмитаси томонидан энг юқори малака тоифаси билан тақдирланган.
Манбалар
- ↑ „Лица — Общество дружбы и сотрудничества с Республикой Союз Мьянма“ (ру-РУ). Қаралди: 2023-йил 27-ноябр.
- ↑ Гожева, Наталя Анатолевна. Буддийский канон в традиционном искусстве Лаоса : автореферат дис. … кандидата искусствоведения : 17.00.04 / Науч.-исслед. ин-т теории и истории изобразит. искусств Рос. акад. художеств. – Москва, 2006. – 29 с.
- ↑ „Гожева, Наталья Анатольевна“. 2018-йил 5-сентябрда асл нусхадан архивланган. Қаралди: 2018-йил 5-апрел.