Nazirulla Mannonov

Назирулла Маннонович Маннонов (1909.15.3 – Тошкент – 1981.23.9) – олим, агроном, ВАСХНИЛ мухбир аъзоси (1970), Ўзбекистонда хизмат кўрсатган фан арбоби (1967), Меҳнат Қаҳрамони (1957). Ўрта Осиё пахтачилик ва ипакчилик институтини тугатган (1933). СоюзНИХИнинг Оққовоқ суғориш ва агротехника марказий стансиясида илмий ходим, бўлим мудири (1934— 51). Тошкент вилоятидаги „Қизил Ўзбекистон“ раиси (1951—58), СоюзНИХИ директори (1958-61, 1966-72), ЎзССР Қишлоқ хўжалиги вазири (1961—62), Куба ҳукумати ҳузурида бош маслаҳатчи – ташкилотчи (1962— 63), ЎзССР Қишлоқ хўжалиги вазири ўринбосари – фан бош бошқармаси бошлиғи (1972-77), 1977-81 йилларда ВАСХНИЛ Ўрта Осиё бўлими деҳқончилик ва кимёлаштириш сексияси раиси. Илмий ишлари тупроқ маҳсулдорлигини ошириш, ғўза-беда ва дон экинлар алмашлаб экишни ўрганиш ва жорий қилиш, минерал ўғитлар ва бошқаларни кўллаш масалаларига бағишланган.

Адабиёт

• Удобрение хлопчатника в севообороте, Т., 1971 (в соавторстве).

Ҳаволалар

• „Совет Ўзбекистони“ газетасида чоп этилган некролог