Neft gazlari

Нефт газлари - нефт билан бирга чиқадиган углеводород газлари, шунингдек, нефтни қайта ишлаш пайтида ҳосил бўладиган газлар. 1 м3 ҳажмдаги Н. г. таркибида 100—150 г бензин фраксиялари бўлади. Ёниш иссиклиги 29-38 МЖ/м3 (7000-9000 ккал/м3). Н.г. нинг алоҳида хусусиятларидан бири — таркибида метандан ташқари этан, пропан, бутан ва оғир углеводородлар буғларининг мавжудлигидир. Аксари Н.г.да қўшимчалар сифатида водород сулфид ва ёнмайдиган компонентлар (азот, углерод (У1)оксид, аргон ва гелий) учрайди (яна қаранг Газлар).