Negeri Sembilan davlat masjidi
Негери Сембилан давлат масжиди (малайча: Масжид Негери, Негери Сембилан) – Малайзияда жойлашган давлат масжиди. Бино Малайзиянинг Серембан шаҳридаги кўл боғлари яқинидаги Жалан Датук Ҳамзада жойлашган.
| Масжид | |
 | |
| Координаталар | 2°43′20″Н 101°56′33″Э / 2.7222°Н 101.9425°Э |
| Йўналиши | сунний |
| Масжид тури | Масжид |
| Меъморий услуб | Модернист ва Минангкабау меъморчилиги |
| Меъмор | Дато Баҳаруддин Абу Кассим, Журубина Бертига Ове-Аруп |
| Бинокорлик | 1965—1967 |
| Миноралар сони | 10 |
| Миноралар сони | 10 |
Тарихи
Ўша пайтда ҳудудда давлат масжиди бўлмаганлиги сабабли Негери Сембиланнинг бош вазири ЙАБ Тан Сри Др. Моҳд Саид бин Муҳаммад йилдан-йилга ортиб бораётган зиёратчиларни сиғдира олмайдиган Жамек Бандар Серембан масжиди ўрнига тахминан 2 гектар ер майдонида бошқа бир давлат масжидини қурдирган.
Негери Сембилан давлат масжиди 1965–1967-йилларда бунёд этилган. Бино 1967-йил 24-ноябрда негери сембиланлик марҳум Янг ди-Пертуан Бесар Алмарҳум Туанку Жаафар ибни Алмарҳум Туанку Абдул Раҳмон томонидан расман очиб берилган.
Қурилиши
Масжид ўзининг меъморий дизайнида модернист ва анъанавий Минангкабау[1] элементларининг уйғунлигини намойиш этади.
1967-йилда қурилган давлат масжидининг дизайни ўзининг рамзий маъносига эга. Иншоотнинг тўққизта устуни[2], тўққизта бўшлиқ ва тўққизта қўшимча айвонлари Негери Сембилан бир вақтлар 9 маъмурий туманга эга штат бўлганлигини англатади. Масжид шаҳар марказидаги Таман Тасик Серембан яқинида барпо этилган. Масжид, шунингдек, штат ҳукуматининг маъмурий маркази, яъни Wисма Негери, Wисма Федерал, Штат Қонунчилик Ассамблеяси ва Истана Ҳинггапга ҳам яқин ҳудудда жойлашган.
Негери Сембилан давлат масжиди 3 қаватдан иборат. Биринчи қаватда ҳаммом, таҳорат хонаси, маъруза хонаси, Ислом кутубхонаси ва масжид маъмурияти жойлашган. Иккинчи қаватда асосий намоз ўқиш зали, шунингдек, ён намозхона жойлашган. Бундан ташқари, масжиднинг ён қисмида минора ҳам мавжуд.