Nijniy tagil

Нижний тагил - Россия Федерацияси Свердловск вилоятидаги шаҳар (1917-йилдан). Ўрта Урал тоғларининг шарқий ён бағрида, Тагил дарёси (Об ҳавзаси) бўйида. Темир йўл тугуни. Аҳолиси 399,6 минг киши (1998). Қора металлургия (металлургия комбинати ва бошқалар), машинасозлик, вагонсозлик, шунингдек, кимё ва кокс-кимё саноатлари („Уралхимпласт“ ишлаб чиқариш бирлашмаси) ривожланган, ҳарбий техника ишлаб чиқарилади. Мис рудаси қазиб олинади. Педагогика институти, 2 театр, ўлкашунослик, тасвирий санъат ва бошқа музейлар бор. Н.Т.га 1722-йилда асос солинган. Ўша ерда кончилик ривожла-ниши билан вужудга келган.