Nikolay Bobrinskiy
Николай Алексеевич Бобринский (1890-йил 30-март (11-апрел), Москва – 1964-йил 28-декабр[1]) – рус зоологи ва биогеографи, ўқитувчи. Биология фанлари доктори, Тошкент ва Москва университетлари профессори. Москва табиацҳунослар жамиятининг ҳақиқий аъзоси (1916). Биринчи жаҳон уруши қатнашчиси, Аннин қуроли билан тақдирланган.
| Николай Алексеевич Бобринский | |
|---|---|
| Таваллуди |
30-март 1890-йил Москва, Россия империяси |
| Вафоти |
28-декабр 1964-йил Москва, СССР |
| Фуқаролиги |
|
| Соҳаси | зоология |
| Иш жойлари | Москва давлат университети |
| Таълими | Москва давлат университети |
| Академик раҳбарлари | М.А.Мензбиэр |
| Машҳур шогирдлари | И.И.Колесников |
Ҳаёти
Николай Алексеевич Алексей Алексеэвич Бобринский (1864–1909) ва Варвара Николаэвна Лвова (1864–1940) оиласида туғилган[2]. Оилада яна иккита ўғил (Александр ва Гаврила) ва икки қиз (Наталя ва Мария) бор бўлган. Отаси томонидан у Алексей Павлович Бобринскийнинг набираси ва Владимир Бобринскийнинг жияни бўлган.
1899–1904-йилларда Москва Поливанов гимназиясида таҳсил олган. 1908-йилда Тула гимназиясида экстернал талаба сифатида кириш имтиҳонларини топширган ва ўша йили Москва университетининг физика-математика факултетининг табиий фанлар бўлимига ўқишга кирган. 1911–1912-йилларда зоолог С.А.Бутурлин маслаҳати билан Арманистонга, Катта ва Кичик Арарат атрофидаги пасттекисликларга орнитологик экспедицияда қатнашган. Экспедиция натижалари асосида 1916-йилда иккита илмий мақола чоп этилган. 1914-йилда Николай Алексеевич Москва университетини битирганлиги тўғрисидаги гувоҳномани олган, аммо Биринчи жаҳон уруши бошланиши сабабли давлат имтиҳонларини топшириш қолдирилган. М.А.Мензбир кўмагида 1914-йилда у Бухорога навбатдаги экспедицияни амалга оширган. Кейинчалик уруш бошланганда Изюм Гуссар полкида кўнгилли сифатида хизмат қилган. 1915-йил баҳоридан бошлаб, прапорşист Н.Бобринский Кавказ маҳаллий отлиқ дивизиясининг татар отлиқ полкида хизмат қилган. 1916-йилда оғир яраланган, аммо тирик қолган ва тузалгач, хизматга қайтган. У капитан даражасига кўтарилган. Кўрсатган жасорати учун „Жасорат учун“ ёзуви тушурилган қилич билан тақдирланган[3].
1918-йилда Москва давлат университетида имтиҳонларни топширгандан сўнг, Бобринский Зоология музейига ишга кирган. У ерда 1920-йилгача Москва университетининг ходими бўлиб ишлаган.
1920–1922-йилларда Ўрта Осиёда биринчи илмий-маърифий марказ ҳидобланган Тошкентда ташкил этилган Туркистон университетини ташкил этишда қатнашган. 1921-йилда профессор Д.Н.Қашқаров билан биргаликда Угом дарёси бўйидаги ҳайвонот дунёсини ўрганиш учун саёҳат қилган.
1925-йилда Ўрта Осиё Бош музейининг Чотқол тизмасидаги Саричелак кўлига уюштирилган экспедициясида қатнашган.
1922-йилдан у Москва университетида ишлаган. 1934-йилда Москвада қатағон ва ҳибсга олишларнинг янги тўлқини бошланганда оиласи билан яна Ўрта Осиёга жўнаб кетган. Ўрта Осиё давлат университетида умуртқали ҳайвонлар кафедраси мудири лавозимларини эгаллаган. Ўрта Осиё давлат университетида зоология кафедраси мудири бўлган.
1933-йилда Шимолий Қозоғистоннинг Кўкчетав ва Зеренда ўрмон хўжаликлари ҳудудларига экспедицияда бўлиб, у ерда орол ўрмонларининг умуртқали ҳайвонлар фаунасини ўрганган. 1936-йилда у Қизилқум чўлининг жануби-шарқий қисмидаги кенг ҳудудларни ўрганган.
1943-йил 22-майда Н.А.Бобринскийга диссертация ҳимоясисиз докторлик унвони берилган.
СССР фаунаси ва зоогеография бўйича кўплаб асарлар муаллифи ҳисобланган. Унинг зоологияга оид дарслиги 1935-йилда, материаллар тўплаш бўйича қўлланма 1937-йилда нашр этилган. 1948-йилда нашр этилган „Ҳайвонлар дунёси ва СССР табиати“ китоби кенг танилган ва турли соҳа мутахассислари томонидан муносиб баҳоланган.
Умрининг сўнгги йилларида у оғир касаллик туфайли тўшакка михланиб қолган. 74 ёшида Москвада вафот этган. У Востряковский қабристонида, болалари ва холаси София Алексеевна қабрлари ёнига дафн қилинган.
Оиласи
1919-йилда у ўзининг узоқ қариндоши Мария Алексеевна Челишчевага (1886-1973) уйланган ва уларнинг бешта фарзанди бўлган[4]. Супруги имели пятерих детей[5]:
- Алексей, тўнғич (1920—1932)
- Жаброил (1922—1926)
- Анна (1925—1933)
- Павел (гўдаклигида вафот этган)
- Николай (1927—2000)
- Набираси – Алексей Николаевич Бобринский.
Адабиётлар
- Бобринский Н. А. На Первой Мировой войне. Из записок графа Николая Алексеевича Бобринского // «Дворянское собрание», 1995. № 3. — С. 175—190.
- Ильичёв В.Д., Сагитов А.К. „Николай Алексеевич Бобринский (1890—1964); Воспоминания сына — Николая Николаевича Бобринского“, . Московские орнитологи, 1000 экз, М.: Изд-во МГУ, 1999 — 24—30; 31-35-бет. ИСБН 5-211-04119-4. (в пер.)
- Шокарев С. Ю. „Бобринский Николай Алексеевич“, . Московская Энциклопедия. Том И: Лица Москвы: Книга 1 (А—З), 10000 экз, М.: Изд. центр «Москвоведение», 2007 — 640-бет. ИСБН 978-5-903633-01-2. (в пер.)
- Голицын С. М. Записки уцелевшего. — М.: Вагриус, 2006. — С. 132, 288.
- Раевский С. П. Пять веков Раевских. — М.: Вагриус, 2005. — С. 336.
Манбалар
- ↑ „Бобринские“, Большая российская энциклопедия, 65000 экз, М.: Большая Российская энциклопедия (издательство), 2005 — 625-бет. ИСБН 5-85270-330-4.
- ↑ „Родовид — Алексей Алексеевич Бобринский р. 6 май 1864 ум. 14 июнь 1909“. 2018-йил 30-январда асл нусхадан архивланган. Қаралди: 2022-йил 10-июн.
- ↑ „Бобринский Николай :: Документы о награждениях :: Первая мировая война“. гwар.мил.ру. 2022-йил 31-декабрда асл нусхадан архивланган. Қаралди: 2022-йил 31-декабр.
- ↑ „Мария Алексеевна Бобринская“ (ру). Сергей Андреевич Тутунов. 2019-йил 7-сентябрда асл нусхадан архивланган. Қаралди: 2020-йил 14-декабр.
- ↑ „Книга памяти: Дворяне“. Заклеймённые властью. Международное историко-просветительское правозащитное и благотворительное общество «Мемориал». 2019-йил 18-февралда асл нусхадан архивланган. Қаралди: 2020-йил 14-декабр.