Nikolay II

Николай ИИ ёки Николай Александрович Романов (русча: Никола́й ИИ Алекса́ндрович) (1868.6. 5, Сарское Село, ҳозирги Пушкин шаҳри — 1918. 17.6, Екатеринбург) — Россиянинг сўнгги императори (1894—1917), император Александр ИИИ нинг катта ўғли. Н. ИИ даврида мамлакат саноат-иқтисодий жиҳатдан тез суръатларда ривожланган. Россия Япония билан бўлган уруш (1904—1905)да мағлубиятга учраган, бу эса Россияда 1905—1907-йиллар инқилобига сабаб бўлган. Инқилоб даврида (1905-йил 17-октябр) Манифест қабул қилинган. Унга кўра, мамлакатда сиёсий партиялар тузилишига ва Давлат думаси таъсис этилишига рухсат этилган; Столипин аграр ислоҳоти амалга ошира бошланган. 1907-йил Россия Антанта аъзоси бўлган ва унинг томонида туриб Биринчи жаҳон урушиаа қатнашган. 1915-йил августдан олий бош қўмондон. Туркистон ва Россиянинг бошқа минтақаларидан фронт ва фронт ортидаги мудофаа иншоотларини қуриш учун кишиларни сафарбар қилиш тўғрисидаги (1916-йил 25-июн) фармони Туркистонда оммавий қўзғолонлар кўтарилишига олиб келган. 1917-йил феврал инқилоби жараёнида тахтдан воз кечган (2 (25) март). Оиласи билан бирга Екатеринбургда Ленин кўрсатмаси билан болшевикларнинг Урал област Совети қарори асосида отиб ташланган (Оилавий ўлдирилган ва сулолага барҳам берилган).

Николай ИИ