Николай Петрович Малинкин (1895.9.5, Твер губерняси, Россия — 1968.1.7, Тошкент) — агроном олим, Ўзбекистонда хизмат кўрсатган фан арбоби (1966), қишлоқ хўжалиги фанлари доктори (1959), профессор (1961). Ўрта Осиё университетни тугатган (1925). СоюзНИХИнинг Ўғитлар ва агротупроқшунослик марказий стансиясида агроном (1925—26), катта илмий ходим (1926—52; 1941—45 йилларда илмий ишлар бўйича директор ўринбосари). Тошкент Давлат Университетида доцент, кафедра мудири (1955—66). Илмий ишлари пахтачиликни кимёлаштириш, ўғитларнинг ғўза ва бедага таъсири масалаларига бағишланган.[1]

Манбалар

  1. ↑ ЎзМЕ. Биринчи жилд. Тошкент, 2000-йил