Ziyosfera

Nikolay Markovnikov


Марковников Николай Владимирович (1869-йил, Қозон – 1942-йил, Тошкент) рус ва совет меъмори, археолог, реставратор ва ўқитувчи. Профессор, архитектура фанлари доктори, СССР Архитектура академиясининг мухбир аъзоси (1941)[1].

Николай Марковников
Таваллуди 1869-йил
Қозон
Вафоти 1942-йил
Тошкент
Фуқаролиги Rossiya bayrogʻi Россия империяси Россия империяси SSSR bayrogʻi СССР

Биографияси

Николай Владимирович 1869-йилда Қозон шаҳрида кимёгар В. В. Марковников оиласида таваллуд топган. 1888–1892-йилларда Император Бадиий академиясида таҳсил олган[2]. Николай рассом-архитектор унвонига сазовор бўлган.

Николай Санкт-Петербургда Лесной шаҳридаги Политехника институти қурилишида ишлаган. У Москва айланма темир йўлининг кўплаб бинолари лойиҳалари муаллифи бўлган.

Марковников 1914-йилдан 1919-йилгача Москва Кремл қал’асининг бош меъмори бўлган. У 1917-йил октябр қуроллилар қўзғолони пайтида вайрон бўлган Кремл биноларини тиклаш ва уларни Совет ҳукумати учун мослаштиришда иштирок этган. 1919–1921-йилларда Китайгород деворини тиклаш бўйича комиссияни бошқарган (унинг таркибига С. К. Родионов, А. Ф. Мейснер, И. П. Машков, И. Э. Бондаренко, И. В. Рилский ва бошқа машҳур меъморлар кирган)[3].

Меъмор Марковников 1920-йилларда Москвадаги Сокол кооператив қишлоғида кам қаватли турар-жой бинолари учун индивидуал лойиҳаларни ишлаб чиқди. Унинг лойиҳаларига кўра, биноларнинг ярмидан кўпи қишлоқда қурилган бўлиб, улар ҳозирда вилоятда меъморий ёдгорлик мақомига эга[4].

Николай 1930-йилда Гипрогордаги уй-жой қурилиш бошқармаси бошлиғи бўлди. Шимолий Кавказ (1933) ва Комсомолск-на-Амур колхозлари учун режалар ишлаб чиққан[5].

Николай Владимирович 1903-йилдан ўқитувчилик билан шуғулланган. У Москвадаги аёллар учун олий қурилиш курсларининг асосчилари ва ўқитувчиларидан бири (1905–1916). 1920-йилларда архитектура дизайнидан ва Москва олий техник мактабининг архитектура факултетида архитектура тарихидан дарс берган. 1930-йиллардан 1940-йилларнинг бошларигача Москва архитектура институтида ўқитувчи бўлиб фаолият олиб борган.

Меъмор Москвада Малая Никицкая кўчаси, 27-уйда яшаган[6][7][8].

Манбалар

  1. ↑ „Марковников Николай Владимирович“, Мастера советской архитектуры об архитектуре. М.: Искусство, 1975 — 56—68-бет. 
  2. ↑ „Марковников Николай Владимирович“, Искусство стран и народов мира : Архитектура. Живопись. Скульптура. Графика. Декоративное искусство : Краткая художественная энциклопедия. М.: Советская энциклопедия, 1971 — 699-бет. 
  3. ↑ Бранденбург Б. Ю., Татаржинская Я. В., Щенков А. С.. Архитектор Иван Машков. М.: Русская книга, 2001 — 86-бет. ИСБН 5-268-00413-1. 
  4. ↑ План посёлка „Сокол“
  5. ↑ „Марковников Николай Владимирович“. Қаралди: 2023-йил 17-ноябр.
  6. ↑ Вся Москва: адресная и справочная книга на 1914 год. М.: Товарищество А. С. Суворина «Новое Время», 1914 — 406-бет. 
  7. ↑ Вся Москва. Адресная и справочная книга на 1926 год. Часть 2, М., 1926 — 579-бет. 
  8. ↑ Список абонентов Московской городской телефонной сети, М., 1939 — 144-бет.  
"https://new.ziyosfera.uz/ziyo/Nikolay_Markovnikov" dan olindi