Nikolay Stasyuk

Николай Стасюк
Шахсий маълумот
Тўлиқ исми	Николай Николаевич Стасюк
Таваллуд санаси	1956-йил 11-декабр (69 ёш)
Таваллуд жойи	Краснодар ўлкаси
Бўйи	175 см
Амплуаси	Дарвозабон
Профессионал фаолияти*
Йиллар	Жамоа
1979	Колос (Октябрский)
1980—1981	Машук
1983—1992	Нефтчи
1993	Колос (Краснодар)
1994	Колос (Павловская)
1996	Расвет (Троицкоэ)
Бошқарган клублари
2000	Динамо(Полтавская)
2002	Рус (Кореновск)
2004	Черноморец
2006	Сочи-04
2011—2013	Славянский
2013—2015	Витяз (Кримск)
	*Профессионал клублардаги голлари (ички чемпионат)

Николай Николаевич Стасюк (русча: Стасюк, Николай Николаевич 1956-йил 11-декабрда, Краснодар ўлкасининг, Екатериновскаяда туғилган) – совет, ўзбек ва рус футболчиси, дарвозабон ҳамда россиялик мураббий.

Футболчилик фаолияти

1979-йилда Октабрский қишлоғининг „Колос“ жамоаси сафида ўйнаган. 1980-йилдан 1981-йилгача „Машук“ (Пятигорск) жамоаси шарафини ҳимоя қилган. СССР Иккинчи лигасининг 2-мавсумида 25 та ўйинда майдонга тушган. 1983-1992-йиллар давомида Фарғонанинг "Нефтчи" жамоаси сафида тўп сурган. "Нефтчи" таркибида СССР чемпионати иккинчи ва биринчи лигасида 269 та, шунингдек, Ўзбекистон олий лигасида 24 та ўйинда майдонга тушиб, 7 та гол ўтказиб юборган. Фарғоналиклар таркибида 1983, 1987, 1988, 1989 ва 1990-йилги мавсумларида 5 марта СССР иккинчи лигаси зонаси ғолиблигини қўлга киритган. 1992-йилги мавсумда ҳам 1 марта Ўзбекистон чемпиони бўлган.

1993-йилда ўзбек клубларини тарк этиб, Краснодарнинг „Колос“ жамоаси сафига ўтган^[1]. 1993-йилги мавсумда Россия Биринчи лигасининг 25 ўйинида майдонга тушиб 30 та гол ўтказиб юборади. 1994 ва 1996-йилларда ҳаваскор жамоалар сафида ўйнаган. Павловская қишлоғининг „Колос“ жамоаси дарвозасини ҳимоя қилган. Жамоа сафида 7 та учрашувда майдонга тушиб, 10 та гол ўтказиб юборган. Шундан сўнг Троицкий қишлоғининг „Рассвет“ клуби таркибига қўшилиб, 18 та учрашувда майдонга тушган ва 16 та гол ўтказиб юборган.

Мураббийлик фаолияти

Николай Стасюк футболчилик фаолиятини якунлаганидан сўнг, мураббийлик билан шуғуллана бошлаган. Стасюк дастлаб 2000-йилда Полтавскаянинг „Динамо“ клубини бошқарган. Орадан икки йил ўтиб, 2002-йилда Кореновскнинг „Рус“ жамоасига мураббий этиб тайинланган. 2004-йилда Новороссийскнинг „Черноморец“ ва 2006-йилда Сочининг „Сочи-04“ клубларида мураббий бўлиб ишлаган. Славянск-на-Кубаннинг „Славянский“ жамоасини 2011-2013-йилларда бошқарган. 2013-2015-йилларда Кримскнинг „Витязе“ клубида мураббийлик фаолиятини давом эттирган.

Ютуқлари

1 Ўзбекистон чемпиони: 1992-йил.

1 СССР Иккинчи лигаси зона ғолиби: 1983, 1987, 1988, 1989, 1990-йиллар.

Манбалар

↑ „1994.02.04: «Спартак» вс «Нефтчи» (Фергана, Узбекистан), Кубок ЧС“ (ру). WилдСтат.ру. 2014-йил 29-августда асл нусхадан архивланган. Қаралди: 2022-йил 15-июл.

Ҳаволалар

Профил тренера на официалном сайте ФК „Черноморес“^{[сайт ишламайди]}

[1] „1994.02.04: «Спартак» вс «Нефтчи» (Фергана, Узбекистан), Кубок ЧС“ (ру). WилдСтат.ру. 2014-йил 29-августда асл нусхадан архивланган. Қаралди: 2022-йил 15-июл.

[1]